नांदगाव शहराचा पाणीप्रश्न कायमचा निकाली निघणार.! आमदार कांदे यांचे भगीरथ प्रयत्न.!
सा.शनैश्वर टाइम्स वृत्तसेवा
नांदगाव -: संतोष कांदे
लोकप्रतिनिधी होण्याअगोदर सामाजिक दायित्व निभावत असताना स्वखर्चाने लोकांना शुद्ध पाणीपुरवठा केला.ऐन पाणी टंचाई च्या काळात पाणी देणाऱ्या या नेतृत्वाला मग जनतेने ही थेट नांदगाव विधानसभा मतदार संघाची आमदारकी बहाल केली.त्यांनीही याची परतफेड करताना नांदगाव व मनमाड या दोन्ही शहरासह ग्रामीण भागाची ही पाणी टंचाई कायमस्वरूपी निकालात काढण्यासाठी तीन पाणी योजना साकारल्या आहेत.
या पाणी योजना अंतिम टप्यात आहेत,आणि याची माहिती सर्वसामान्य जनतेला व्हावी,यास्तव नांदगाव पाणी योजना स्वागत महोत्सव आयोजित करून त्यातही अनेक कर्तृत्ववान महिलांना विशेष सन्मान पुरस्कार देत या सोहळ्याला वेगळेच रूप प्राप्त करून दिले आहे.
आमदार सुहास कांदे यांच्या प्रयत्नातून गिरणा धरण ते नांदगाव शहरासाठी स्वतंत्र पाणी योजना मंजूर झाले असून या योजनेचे काम लवकरच सुरू होत आहे आणि हा नांदगावकर माता-भगिनींसाठी अतिशय आनंदाचा असा क्षण आहे आणि म्हणूनच हा उत्सव नांदगाव शहरात साजरा करण्यात येत आहे.
सोमवार दिनांक 8 जानेवारी रोजी सावता महाराज कंपाऊंड परिसरातील सर्व महिलांकरिता या कार्यक्रमाचे आयोजन संपन्न झाले.
या वेळी सौ.अंजुम कांदे यांनी लवकरच या योजनेचे भूमिपूजन होणार असल्याची आनंदाची बातमी उपस्थित महिलांना दिली तर नगराध्यक्ष राजेश कवडे यांनी पाणी योजनेबद्दल सविस्तर माहिती दिली. या प्रसंगी आमदार सुहास कांदे यांचे कल्पनेतून या पाणी योजनेचे नियोजन चित्रफितीच्या माध्यमातून दाखवण्यात आले.
मोठ्या संख्येने या कार्यक्रमास महिलांनी भाग घेऊन आनंद साजरा केला, विविध प्रकारचे खेळ विनोद डान्स गाणी यावेळी सादर करण्यात आली.
सदर परिसरातील 13 महिलांना आपापल्या क्षेत्रात विशेष कामगिरी केल्याबद्दल त्यांना विशेष महिला सन्मान पुरस्काराने सन्मानित करण्यात आले, स्मृतिचिन्ह प्रमाणपत्र तसेच गॅस शेगडी यावेळेस पुरस्काराच्या स्वरूपात देण्यात आली. यात डॉ. शितल अत्रे, सौ. प्रतिभा खैरनार, श्रीमती मंगला अंबादास गुरव,, श्रीमती शकुंतलाताई रामराव कवडे, श्रीमती अन्नपूर्णा नरेंद्र जोशी, डॉ. योगिनी गणेश चव्हाण, सौ. मीना भरत कासलीवाल, सौ.भारती गोटू कलंत्री, श्रीमती कच्याबाई यशवंत पवार, सौ. विजया आहेर धनवट सौ. मनीषा पाटील, सौ.श्वेता आनंद चोपडा, सौ. तारा गणेश शर्मा या महिलांना सन्मानित करण्यात आले.
Comments
Post a Comment