मित्रांनीच काढला मित्राचा काटा..! आर्थिक व्यवहारातून खून केल्याची कबुली.!

सा.शनैश्वर टाइम्स वृत्तसेवा

नांदगाव -: संतोष कांदे

तालुक्यातील साकोरा येथे आर्थिक व्यवहारातून मित्रांनीच मित्राचा खून करून अपघाताचा बनाव करण्याचा प्रयत्न केला.मात्र पोलिसांनी हा खूनच असल्याचे सिद्ध करून संशयित आरोपीना अटक करून खुनाचा गुन्हा दाखल केला आहे.

      साकोरा येथे वास्तव्य करून असणारे

दिपक रमेश कदम यास रविवारी बाहेर जायचे आहे असे सांगून त्याचे मित्र योगेश पगार व देवा बोरसे यांनी नांदगाव -वेहेळगाव रस्त्यावरील मूळडोंगरी फाट्याजवळ लोखंडी गजाने जबर मारहाण केली त्यात दिपक चा मृत्यू झाला.त्याचा मृत्यूदेह  शेजारच्या शेतात टाकून घरी आले.व त्याचा अपघात झाल्याचे भासवले.

         घटनास्थळी मनमाड चे पोलीस उपविभागीय अधिकारी सोहेल शेख ,पोलीस निरीक्षक प्रीतम चौधरी यांनी भेट देऊन पोलिसांना तपासाबाबत महत्वपूर्ण सूचना केल्या,त्या नंतर काही तासातच सदर घटना अपघात नसून खून असल्याचे सिद्ध झाले.त्यावरून पोलिसांनी वरील दोन्ही संशयित आरोपीना ताब्यात घेऊन त्यांच्यावर खुनाचा गुन्हा दाखल केला आहे.

        सदर खुनाचा पुढील तपास पोलीस निरीक्षक श्री.चौधरी यांच्या मार्गदर्शनाखाली सहायक पोलिस निरीक्षक नितीन खंडागळे, संतोष बहाकर,मनोज वाघमारे विनायक जगताप करत आहेत.