मांडवड चे जवान संदीप मोहिते यांना विरमरण... आ.कांदे यांच्याकडून शोक व्यक्त.!

सा.शनैश्वर टाइम्स वृत्तसेवा

नांदगाव -: संतोष कांदे

 भारतीय सैन्य दलात लेह - लड्डाख येथे सेवा बजावत असलेल्या मांडवड च्या संदीप मोहिते यांना कर्तव्यावर असताना वीरगती प्राप्त झाल्याने तालुक्याचे आमदार सुहास कांदे यांनी मोहिते कुटुंबंप्रती संवेदना जाहीर करत शोक व्यक्त केला आहे.

      १४ वर्षापासून देशाची सेवा बजावत असताना त्यांनी चंदीगड,अरुणाचल प्रदेश,पठाणकोट,तसेच विदेशात सुदान येथे शांतीसैनिक म्हणून कर्तव्य बजावले होते.

      एक महिन्यापूर्वीच ते गावी येऊन गेले होते.त्यांचे बंधू ही श्रीकांत मोहिते ही भारतीय सैन्य दलात जोधपूर (राज्यस्थान) येथे कार्यरत आहेत.शहीद संदीप हे लड्डाख येथे मशीन चालवत असताना त्यांचा अपघात झाला.त्यांना त्तकाळ सैन्य दलाच्या रुग्णालयात  हलवण्यात आले.त्यावेळी विरगती प्राप्त झाल्याचे डॉक्टरांनी घोषित केले.

        संदीप यांच्या विरगती प्राप्त झाल्याची घटना समजताच तालुका व अवघ्या मांडवड गावावर शोककळा पसरली आहे.