विकासासाठी आपापसातील वाद विसरून एकत्र या.! -सौ.अंजुम कांदे

सा.शनैश्वर टाइम्स वृत्तसेवा

नांदगाव -: संतोष कांदे

 -: आपापसातील वैरभाव विसरून एकत्र या.! तुमचा सर्वांगीण विकास करण्यासाठी आम्ही कटिबद्ध आहोत.असे प्रतिपादन आ.सुहास कांदे यांच्या सुविद्य पत्नी तथा समाजसेविका सौ.अंजुम कांदे यांनी केले.

    मालेगाव तालुक्यातील परंतु नांदगाव विधानसभा मतदार संघातील अजंदे पाडा येथील आदिवासी वस्तीत हळदी - कुंकू कार्यक्रम आयोजित करण्यात आला होता.त्यावेळी सौ.कांदे बोलत होत्या.त्या पुढे म्हणाल्या की,या ठिकाणी विकासकामे सोडाच ; पण मूलभूत सुविधा ही मिळाल्या नाहीत,मात्र आता चिंता करण्याचे काही कारण नाही.तुम्हाला शिधापत्रिका, आधार कार्ड,मतदान कार्ड,यासह सामाजिक,धार्मिक,कार्यक्रमासाठी सभामंडप,पिण्याच्या पाण्याची व्यवस्था,रस्ता,वीज पुरवठा आदी जीवनावश्यक सोयी येत्या काळात आम्ही म्हणजेच आमदार सुहास अण्णाच्या माध्यमातून करणार आहोत.सौ.कांदे यांचे हस्ते शिवसेना शाखेचे उदघाट्न ही करण्यात आले.याचं पद्धतीचे मनोगत धनंजय कांदे यांनी व्यक्त केले.

      यावेळी व्यासपीठावर शिवसेना महिला आघाडी तालुकाप्रमुख विद्याताई जगताप,शहरप्रमुख सौ.रोहिणी मोरे,सौ.पूजा छाजेड, भावराव बागुल,आदिंसह शेकडो आदिवासी बांधव उपस्थित होते.

क्षणचित्रे -: तालुक्याच्या आमदाराची पत्नी प्रथमच आमच्या आदिवासी वस्तीत आली.अन हळदी कुंकू कार्यक्रम केला.म्हणून अनेक आदिवासी महिलांच्या डोळ्यात अश्रू तरळले होते.तर अनेक जणी आमदार पत्नी सौ.अंजुम कांदे यांचा हात हातात घेऊन समाधान पावत होते.

सौ.कांदे यांच्या आवाहनानंतर अनेक अशिक्षित आदिवासी महिलांनी त्यांच्या आयुष्यात प्रथमच व्यासपीठावर येऊन समस्या मांडण्याचे धाडस दाखवले.