मतदारसंघातील बेरोजगार तरुणांसाठी आ.कांदे यांच्याकडून भव्य रोजगार मेळावा.. संधीचा फायदा घेण्याचे सौ.कांदे यांच्याकडून आवाहन.
सा.शनैश्वर टाइम्स वृत्तसेवा
नांदगाव -:संतोष कांदे
मतदार संघातील कुशल -अकुशल बेरोजगार तरुण - तरुणींसाठी तालुक्याचे आमदार सुहास कांदे यांनी भव्य अशा रोजगार मेळाव्याचे आयोजन केले असून,जास्तीत जास्त तरुणांनी हजर राहून या संधीचा आपल्या उज्वल भविष्यासाठी फायदा घ्यावा असे आवाहन आमदारांच्या वतीने सौ.अंजुम सुहास कांदे यांनी केले आहे.
शहरातील शिवनेरी या शासकीय विश्रामगृहात आज (दि. २४) रोजी सदर मेळावा होत असून,यात आयटीआय / पदवीधर / डिप्लोमा / डिग्री असलेल्यांना भाग घेता येईल.यासाठी वयोमर्यादा १८ ते ३० असून,मासिक वेतन किमान १० हजार ते ३० हजार इतके असणार आहे.तर निवड झालेल्या उमेदवारांना सदर कंपनी कडून चहा,नाश्ता,व जेवण असणार आहे.सदर मेळावा सकाळी ११ ते ३ या वेळात संपन्न होणार आहे.
Comments
Post a Comment