आचार्य विद्यासागरजी एकप्रकारे देवाचाच अवतार -: आ.सुहास कांदे

सा.शनैश्वर टाइम्स वृत्तसेवा

नांदगाव -: संतोष कांदे

आचार्य विद्यासागरजी हे संतरूपी देवाचाच अवतार होते.कारण त्यांनी ज्या प्रकारे जीवन व्यतित केले,तसे जीवन साधा मनुष्य कंठूच शकत नाही.असे प्रतिपादन आमदार सुहास कांदे यांनी केले.

   शहरातील गांधी चौकात आचार्य विद्यासागऱजी यांची शोकसभा आयोजित करण्यात आली होती.त्या शोकसभेत आ.श्री.कांदे भावना व्यक्त करत होते.यावेळी माजी नगराध्यक्ष राजेश कवडे,युवा सेनेचे फरहान खान,भाजपचे दत्तराज छाजेड, केंद्रीय आरोग्य राज्य मंत्री ना.भारती पवार यांचे स्वीय सहाय्यक प्रवीण रोंदळ, महावीर पारख,नूतन कासलीवाल,संतोष गुप्ता,राजेंद्र देशमुख,डॉ. आनंद पारख,नंदू पाटील,उपस्थित होते.

    यावेळी आ.कांदे यांनी आचार्य विद्यासागरजी यांच्या जीवन प्रवासातील अत्यंत सूक्ष्म गोष्टी उलगडून सांगितल्या.ज्या स्थानिक जैन समाजातील कैक लोकांना ही माहित नव्हत्या.याप्रसंगी जेष्ठ विधित्ज्ञ श्री.कासलीवाल,महावीर पारख,श्री.साळुंके,दत्तराज छाजेड,संतोष गुप्ता,सुमित गुप्ता यांनी आपल्या भावना व्यक्त केल्या.