अवकाळी पावसाच्या नुकसानीचे त्तकाळ पंचनामे करण्याच्या आ.सुहास कांदे यांच्या सूचना..! तहसीलदारांकडून नुकसानीची पाहणी..

सा.शनैश्वर टाइम्स वृत्तसेवा
नांदगाव -: संतोष कांदे
तालुक्यात परवा व काल जोरदार पाऊस झाला,काही ठिकाणी हलकेशा गारा ही पडल्या.त्यामुळे रब्बी पिकातील मका,डाळींब,व शेवगा पिकांचे अतोनात नुकसान झाले.या नुकसानीची माहिती घेऊन आमदार सुहास कांदे यांनी त्तकाळ पंचनामे करून घेण्याच्या सूचना तहसीलदार व कृषी अधिकाऱ्यांना केल्यात.
    आज तहसीलदार सुनील सैंदाणे,कृषी अधिकारी श्री.गाढे,आ.कांदे यांचे प्रतिनिधी म्हणून युवा सेना तालुकाप्रमुख सागर हिरे,प्रकाश शिंदे यांनी संयुक्तरित्या आमोदे येथील नुकसानीची पाहणी केली.व नुकसानीने हवालदील झालेल्या शेतकऱ्यांना दिलासा दिला.
      यावेळी विठ्ठल पुंडलिक पगार ,संजय पगार,बाबाजी पगार,गणेश पगार,यांच्यासह अनेक शेतकऱ्यांच्या मका,डाळींब,शेवगा पिकाची प्रातनिधिक स्वरूपात पाहणी करून सरसकट पंचनामे करण्याच्या सूचना करण्यात आल्या आहेत.
    यावेळी आमोदे चे सरपंच सौ.वैशाली पगार,सदस्य विठ्ठल पगार,उपसरपंच भूषण पगार,कृष्णा पगार,रामकृष्ण पगार,समाधान पगार,वाल्मिक पगार,तलाठी तुषार येवले,कृषी सहाय्य्क राहुल जैन आदिंसह शेकडो शेतकरी बांधव उपस्थित होते.
        दरम्यान हजारो रुपये खर्चून हातातोंडाशी आलेले मका पिक पावसाने जमीनदोस्त झाल्याने समाधान पगार या शेतकऱ्याच्या डोळ्यात अश्रूंचा महापूर सुरु होता.त्यांनी हतबल होऊन घरातील विठ्ठलं -रुख्मिणी ची मूर्ती च घराबाहेर काढली.यावरून या नुकसानीची गंभीरता लक्षात येत होती.

Comments

Popular posts from this blog

पिनाकेश्वर चे दर्शन घेऊन परतत असताना ट्रॅक्टर दरीत कोसळून दोन भाविक महिला ठार तर १६ जण जखमी.!

सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

जळगाव बुद्रुक प्रभाकर सोनावणे यांच्या घरी येथे जबरी दरोडा.. १५ लाखांपेक्षा अधिक रकमेची लूट...आ. कांदे यांचे चुलत शालक