पाणी म्हणजे अण्णा...अन अण्णा म्हणजे पाणी..! माजी आ.राजेंद्र देशमुख
सा.शनैश्वर टाइम्स वृत्तसेवा
नांदगाव -: संतोष कांदे
नांदगाव विधानसभा मतदार संघाचे आता एक नवीनच समीकरण तयार झाले आहे.ते म्हणजे अण्णा म्हणजे पाणी अन पाणी म्हणजे अण्णा..! असे गौरवौदगार माजी आ.राजेंद्र देशमुख यांनी काढले.ते मनमाड ते करंजवन पाणी योजनेच्या शहर अंतर्गत पाईप टाकण्याच्या भूमिपूजन प्रसंगी अध्यक्षपदावरून बोलत होते.
मनमाड शहरातील माऊलीनगर (एमआआयडीसी),विवेकानंद नगर (गणपती मंदिर),केकाणनगर (शिव हनुमान मंदिर),केकाणनगर (साई मंदिर),आदी भागात पाईप टाकण्याच्या कामाचे भूमिपूजन करण्यात आले त्यावेळी आयोजित कार्यक्रमात श्री.देशमुख बोलत होते.
माजी आ.संजय पवार यांनीही आमदार् सुहास कांदे यांच्या कामांची तोंड भरून स्तुती केली.त्याचबरोबर भाजपचे नितीन पांडे,अल्ताफबाबा खान,राजेंद्र पवार,राजेंद्र पगारे,शाईनाथ गिडगे,गंगाभाऊ त्रिभुवन आदी वक्त्यांनी मनमाड चा पाणी प्रश्न किती जिव्हाळ्याचा होता,याची आम्हाला कल्पना आहे.त्यामुळे आ.श्री.कांदे यांचे हे ऋण मनमाडकर कधीही विसरू शकत नसल्याचे आवर्जून सांगितले.
यावेळी योजनेच्या इत्यंभूत कामाची माहिती योजनेचे शाखाधिकारी विजय जगताप यांनी दिली.याप्रसंगी मुख्याधिकारी शेषरावं चौधरी,बबलू पाटील,सुनील हांडगे,फरहान् दादा,राजाभाऊ पारिख,सुभाष माळवतकर,लोकेश साबळे,सागर हिरे,किशोर लहाने,जाफर मिर्जा,मयूर शेळके यांच्यासह शेकडो पदाधिकारी व नागरिक मोठ्या संख्येने उपस्थित होते.
Comments
Post a Comment