तुमच्या सर्व चिंता दूर करणे हेच अण्णांचे अंतिम ध्येय -: सौ.अंजुम कांदे.. बेरोजगार मेळाव्यातून ८२३ तरुणांना नोकऱ्या...

सा.शनैश्वर टाइम्स वृत्तसेवा

नांदगाव -: संतोष कांदे

सध्या तालुक्यात दृष्काळी परिस्थिती...घरामध्ये शिक्षण घेऊनही बेरोजगार असलेले तरुण..आणि या कुटुंबातील सदस्यांच्या उदरनिर्वाहासाठी  काहीतरी केले पाहिजे.असा सहानुभूतीपूर्वक विचार ते नेहमी करतात.आणि म्हणूनच अण्णांच्या सुपीक कल्पनेतून बेरोजगार मेळावा घेण्याचे नियोजन झाले.मात्र गेल्या सात मेळाव्यामधून शेकडो तरुणांना नोकऱ्या मिळाल्या.त्यामुळे हा बेरोजगार मेळावा नव्हे तर नोकरी मेळावा असे नामकरण करूया..असे प्रतिपादन आ.सुहास कांदे यांच्या धर्मपत्नी तथा समाजसेविका सौ.अंजुम कांदे यांनी केले.

      आ.श्री.कांदे व सौ.कांदे सतत तालुक्यातील जनतेसाठी नवनवीन योजना आणत असतात,किंबहुना त्या स्वखर्चाने राबवत ही असतात.आर्थिकदृष्ट्या स्वयंपूर्ण असल्याने आमदारकी पैसे कमावण्याची संधी आहे असे न मानता जनसेवेची  संधी म्हणून याकडे बघत त्यांचे कार्य सुरु आहे.आज शिवनेरी या शासकीय विश्रामगृहात मतदार संघातील बेरोजगार तरुण - तरुणींसाठी मेळावा घेण्यात आला.त्यावेळी या मुलाखतीत उत्तीर्ण झालेल्या उमेदवारांना नियुक्तीपत्र प्रदान करण्यात आले,त्यावेळी सौ.कांदे बोलत होत्या.

     यावेळी त्यांनी आमदारांच्या तालुक्यातील जनतेप्रती असलेल्या तळमळीचा उल्लेख आपल्या ओघवत्या शैलीत केला.यावेळी महिंद्रा अँड महिंद्रा बजाज सन्स, हिताची जळगाव, रिंग प्लस एक्वा, लुपिन फार्मासुटिकल, व्हीआयपी टपारिया टूल्स गॅब्रियल ग्लेनमार्क एमडी इंडस्ट्रीज आदींसह अनेक कंपन्यांचे प्रतिनिधी यावेळी उपस्थित होते.

       आजच्या रोजगार मेळाव्यात मतदारसंघातील ८२३ तरुण-तरुणींनी नोकरी करीता मुलाखत दिली.यात ४१७ तरुण - तरुणींना लगेच नियुक्तीपत्र देण्यात आले.आ.कांदे यांच्या सोशल मीडिया ग्रुप व अन्य साधनांनी या उपक्रमाची माहिती मिळाल्यामुळे बेरोजगार तरुणांनी मोठ्या संख्येने उपस्थिती दर्शवली होती.

    यावेळी माजी नगराध्यक्ष राजेश कवडे,माजी सभापती विलासराव आहेर,मजूर संस्थेचे माजी अध्यक्ष प्रमोद भाबड,किरण कांदे,ज्ञानेश्वर कांदे,दिपक मोरे,सागर हिरे,सुनील जाधव, नंदू पाटील,भैया पगार,संजय आहेर,सुनील जाधव,प्रकाश शिंदे,राजेंद्र देशमुख,संदीप सूर्यवंशी,भावराव बागुल,रमेश काकाळीज,शशिकांत सोनवणे, सौ.संगीता बागुल,सौ.विद्या जगताप,सौ.रोहिणी मोरे,अँड.विद्या कसबे,पूजा छाजेड,संगीता सांगळे, निशा चव्हाण,जयश्री डोळे,भारती बागोरे,सोनिया सोर,तबसूम शेख,बापू जाधव,उमेश मोरे,निशांत बोडके आदिंसह शेकडो तरुण तरुणी व शिवसेनेचे पदाधिकारी उपस्थित होते.