एकीच्या बाबतीत गुप्ता परिवार संपूर्ण तालुक्यासमोर एक चांगला आदर्श -: आ.सुहास कांदे

सा.शनैश्वर टाइम्स वृत्तसेवा

नांदगाव -: संतोष कांदे

एकमेकांच्या सुखदुःखात कुटुंबंांची एकी कशी असावी याचे उत्तम उदाहरण म्हणजे नांदगाव शहरातील गुप्ता कुटुंबं आहे.असे गौरवोदगार आमदार सुहास कांदे यांनी काढले.

      गुप्ता मेडिकेयर मल्टीस्पेशल्टी हॉस्पिटल च्या उदघाट्नप्रसंगी ते बोलत होते.यावेळी व्यासपीठावर माजी नगराध्यक्ष राजेश कवडे,माजी सभापती विलासराव आहेर,बाजार समितीचे संचालक अमोल नावंदर,युवा सेनेचे जिल्हाध्यक्ष फरहान खान,केंद्रीय राज्यमंत्री ना.डॉ.भारती पवार यांचे स्वीय सहाय्यक प्रवीण रोंदळ,भाजपचे दत्तराज छाजेड,सागर फाटे,माजी आ.धात्रक,भास्कर कदम,संतोष गुप्ता,डॉ.परितोष गुप्ता  आदी उपस्थित होते.

     पुढे बोलताना आ.श्री.कांदे म्हणाले की,नांदगाव शहरात खरे तर काही व्यापारी  वर्गाच्या मदतीने मीच असे एक हॉस्पिटल उभारणार होतो.आणि त्यात राजीव गांधी जीवनदायी योजना व महात्मा फुले योजनेतून मतदार संघातील गोरगरीब जनतेवर मोफत उपचाराची सुविधा उपलब्ध करणार होतो.मात्र आता गुप्ता कुटुंबंाने सदर हॉस्पिटल उभारल्याने ह्या हॉस्पिटलला वरील सुविधा येत्या वर्षात उपलब्ध करून देईन असे आमदार सुहास कांदे यांनी सांगितले.

    यावेळी दत्तराज छाजेड,माजी आ.धात्रक,भास्कर कदम,श्री.रोंदळ,यांनी मनोगत व्यक्त केले.

दरम्यान आ.कांदे यांनी यावेळी उद्धव ठाकरे गटाचे तालुकाप्रमुख संतोष गुप्ता यांना उद्देशून या गुप्ता कुटुंबंांत  स्त्री,पुरुष असे अनेक डॉक्टर आहेत.मात्र संतोष अण्णा एम.डी.डॉक्टर आहेत.पण ते राजकारणातले...त्यांनी ही डॉक्टर व्हायला हवे होते.पण त्यांनी राजकारणाची वाट निवडली.पण असो राजकारणात ही त्यांनी चांगला जनसंपर्क वाढवला आहे.त्यांच्या स्वप्नात ही नसताना त्यांना मी उपगराध्यक्ष पदाची संधी दिली होती.याची आठवण आ.कांदे यांनी त्यांना यावेळी करून दिली.