पुढच्या भीम जयंतीला डॉ. बाबासाहेबांचा पूर्णकृती पुतळा उभारणार.! - आ.सुहास कांदे

सा.शनैश्वर टाइम्स वृत्तसेवा

नांदगाव (नाशिक) संतोष कांदे

मनमाड वासियांचे पूर्णकृती पुतळा उभारण्याचे गेल्या ४०/५० वर्षाचे स्वप्न पूर्ण केले,आता शब्द देतो की,पुढच्या भीम जयंतीला घटनेचे शिल्पकार डॉ.बाबासाहेब आंबेडकर यांचा पूर्णकृती पुतळा शहरातील या आंबेडकर चौकात उभारेन असे प्रतिपादन आमदार सुहास कांदे यांनी केले.

   

भारतरत्न डॉ.बाबासाहेब आंबेडकर यांच्या जयंतीच्या पूर्वसंध्येला मध्यरात्री बारा वाजता आमदार कांदे यांनी डॉ.बाबासाहेबांच्या पुतळ्याला पुष्पहार अर्पण करून अभिवादन केले,तेव्हा बोलत होते.यासह डॉ.बाबासाहेबांच्या जीवनावर प्रकाशित साहित्याचा समावेश असलेले परिपूर्ण वाचनालय,व एक आकर्षक परिसर येथे निर्माण करेल,असे ही ते म्हणाले.

      या प्रसंगी माजी नगराध्यक्ष राजेश कवडे, जयंती उत्सव समिती चे अध्यक्ष, पदाधिकारी, शिवसेना पदाधिकारी, भीमसैनिक, शिवसैनिक हजारोंच्या संख्येने उपस्थित होते.फटाक्यांची आतिषबाजी आणि घोषणांनी परिसर दणाणून गेला होता.