आ.सुहास कांदेंकडून अपादग्रस्त कुटुंबाला माणुसकीचा आधार.!

नांदगाव (नाशिक) संतोष कांदे

    तालुक्याचे आमदार सुहास कांदे यांनी पिंपरखेड येथील अपादग्रस्त कुटुंबाला धान्य,कपडे,भांडे आदी संसारपयोगी साहित्याचा आधार देऊन सामाजिक कृतज्ञता जपली आहे.   

       

पिंपरखेड येथील शंकर मोरे व अर्जुन मोरे यांच्या राहत्या झापाला शॉर्ट सर्किटने आग लागून संसारपयोगी साहित्य मग त्यात धान्य,सर्व वापरात असलेली भांडी,कपडे,आदीसह शेती साहित्य व काही कोंबड्या  जळून खाक झाल्याने त्यांचा संसार अक्षरशः उघड्यावर आला होता.ही गोष्ट बाजार समितीचे संचालक जीवन गरुड,सामजिक कार्यकर्ते नवनाथ सोमवंशी व संदीप मवाळ यांनी तालुक्याचे आमदार सुहास कांदे यांना कळवली.

      आमदार श्री.कांदे यांनी लगोलग या कुटूंबाला त्यांच्या निवास्थानी  (देवाज ) बंगल्यावर बोलावून घेतले.व या कुटूंबाची आस्थेवाईकपणे चौकशी करून त्यांना एक क्विंटल धान्य,रोजच्या वापरासाठी लागणारी आवश्यक ती स्टील ची भांडी,कपडे,देवून त्या कुटूंबाला आम्ही तुमच्या सोबत असल्याचा दिलासा दिला.या मदतीबाबत या सदर मोरे कुटूंबाने आ.सुहास कांदे यांच्या बद्दल कृतज्ञता व्यक्त केली.

यावेळी किरण कांदे,बाजार समितीचे उपसभापती दिपक मोरे,जिल्हा मजूर संघाचे संचालक प्रमोद भाबड,बाजार समितीचे संचालक अमोल नावंदर,युवा सेना तालुकाप्रमुख सागर हिरे,अण्णा मुंढे,रमेश काकळीज,प्रकाश शिंदे,आदी उपस्थित होते.