जळगाव बुद्रुकवर माझे विशेष प्रेम - आ.सुहास कांदे। नवनियुक्त सरपंच सौ.सांगळे यांच्या सत्कार प्रसंगी..

सा.शनैश्वर टाइम्स वृत्तसेवा

नांदगाव (नाशिक) संतोष कांदे

सुवर्णा ताईच्या रूपाने सांगळे कुटुंबाचे खूप वर्षाचे स्वप्न आज पूर्ण झाले आहे.त्याचा विशेष आनंद मला झाला आहे.त्यांच्या गाव विकासात माझा सिंहाचा वाटा असेल.असे प्रतिपादन आमदार सुहास कांदे यांनी केले.

     तालुक्यातील जळगाव बुद्रुक चे सरपंच कृष्णा आहिरे यांनी ठरलेल्या आवर्तनानुसार राजीनामा दिल्याने सुवर्णा योगेश सांगळे यांची बिनविरोध निवड करण्यात आली.सांगळे यांच्या निवासस्थानी नवनियुक्त सरपंच सौ.सांगळे यांचा सत्कार आमदार सुहास कांदे यांनी केला.

     पुढे बोलताना आमदार श्री.कांदे म्हणाले की,या जळगाव बुद्रुकवर माझे विशेष प्रेम आहे.कारण या गावात अनेक गट तट आहेत,भाऊबंदकी चे भांडणे आहेत,गटातटाचे राजकारण आहे,मात्र जेव्हा माझ्या निवडणुकीचा विषय येतो.तेव्हा मात्र सर्व गाव आपापसातील भांडणे विसरून एक होतात.अन मला मदत करतात.जसे मंदिरात गेल्यानंतर देवापुढे सर्वजण एक होतात अगदी तसेच तुम्ही माझ्या बाबत वागतात.म्हणून माझ्या हृदयाच्या एका कप्यात तुम्हाला जागा आहे.तुमच्यामुळे मी आमदार झालोय.याची सतत जाणीव ठेवून या गावासाठी काय काय करता येईल हाच विचार माझ्या मनात असतो.पाणी,रस्ते,आरोग्य या गरजा पूर्ण करण्यासाठी मी लागेल ते सहकार्य करण्यास मी तयार आहे.लवकरच या गावात प्राथमिक आरोग्य केंद्र मंजूर करणार असल्याचे यावेळी आमदारांनी जाहीर केले.

     

 कार्यक्रमास किरण कांदे,मजूर संघाचे संचालक प्रमोद भाबड,बाजार समिती संचालक अमोल नावंदर,माजी नगराध्यक्ष रामनिवास कलंत्री,किरण देवरे,यज्ञेश कलंत्री,माजी सभापती विजय इप्पर यांच्यासह उपसरपंच पुंजाराम पथे,सदस्य विश्वनाथ कांदे,सौ.लंका शरद गिते,चिंधा गावंडे,सौ.उषा शरद आव्हाड,कृष्णा आहिरे,सौ.गोपाबाई नाना गावंडे,

 व ग्रामस्थं,महिला,तरुण मोठ्या संख्येने उपस्थित होते.

      नवनाथ गिते यांनी प्रास्ताविक केले.यावेळी सांगळे कुटुंबाच्या वतीने आमदार सुहास कांदे यांचा सत्कार करण्यात आला.आमदार सुहास अण्णा कांदे यांनी ग्रामस्थांसोबत एकत्र भोजनाचा आस्वाद घेतला.