सुहास अण्णांना मंत्रीपद मिळणार ही काळ्या दगडावरची भगवी रेष -: बापूसाहेब कवडे

सा.शनैश्वर टाइम्स वृत्तसेवा

नांदगाव (नाशिक) - संतोष कांदे

एकट्या बाणगांव बुद्रुक मध्ये जवळपास साडे तीन कोटीच्या वर विकासकामे झालीत.तर मतदार संघाचा आकडा तीन हजार कोटीच्या वर गेलाय.त्यामुळे अण्णा आमदार होणारच .! पण त्यांचे मंत्रीपद ही फिक्स आहे.असे प्रतिपादन तालुक्याचे जेष्ठ नेते बापूसाहेब कवडे यांनी केले.

  बाणगांव बुद्रुक च्या बाणेश्वर महादेव मंदिरात आयोजित हरीनाम सप्ताहाच्या सहाव्या दिवशी आ.सुहास कांदे यांनी अचानक भेट दिली.व तेथे कीर्तनसेवा बजावत असलेल्या खान्देशरत्न हभप.तुकाराम महाराज जेवूरकर यांचा आशीर्वाद घेतला.त्यावेळी वारकरी व ग्रामस्थांच्या वतीने आ.श्री.कांदे यांचा छोटेखनी सत्कार करण्यात आला.त्यावेळी मनोगत व्यक्त करताना बापूसाहेब पुढे म्हणाले की,अण्णांनी बाणगाव मध्ये ६ सभामंडप, १ महिला व १ पुरुष असे दोन स्वतंत्र भोजनालय,नाला बुजवून जागा सपाटीकरण करून मंदिर परिसरासाठी ४० लाख रुपये,दशक्रिया विधी घाट,गावात सिमेंट चे रस्ते,मंदिर परिसरात पेव्हर ब्लॉक,दोन शिवार रस्ते,दलित वस्तीत सुधारणा अशी विकासकामे केली आहेत.आणि मतदार संघात कमी अधिक प्रमाणात हिच परिस्थिती असल्याने त्यांना आमदार होण्यापासून कुणी रोखू शकत नाही.असे ते म्हणाले.

   यावेळी आ.सुहास कांदे यांनी ही आपल्या भावना व्यक्त केल्या.ग्रामस्थ,भाविक,वारकरी,महिला,मोठ्या संख्येने उपस्थित होत्या.