आमदारांमुळे मिळाला रस्ता.! ग्रामस्थांनी मानले आभार..

सा. शनैश्वर टाइम्स वृत्तसेवा 

नांदगाव (नाशिक ) संतोष कांदे 

घाटमाथ्यावरील गोंडेगाव येथील सरोवर वस्तीला गेल्या अनेक वर्षांपासून रस्त्याची समस्या भेडसावत होती. सर्व ठिकाणी प्रयत्न करूनही फक्त आश्वासन मिळाल्याने ते त्रस्त झाले होते.ही बाब आमदार सुहास कांदे यांना समजताच त्यांनी या सरोवर वस्तीला दीर्घकाळ टिकेल या हेतूने सिमेंटकाँक्रिट चा रस्ता बनवून दिला आहे.

.      आमदार श्री. कांदे यांनी ९५/५ या योजनेअंतर्गत या रस्ता कामासाठी १० लक्ष रुपयांचा निधी मंजूर करून या रस्त्याचे काम पूर्ण करून दिले आहे.अनेक वर्षांपासून या सरोवर वस्तीकडे जाणारा रस्ता नसल्याने नागरिकांना मोठा त्रास सहन करावा लागत होता यातच पावसाळ्यात पाणी साचत असल्यामुळे विद्यार्थ्यांना शाळा व दळणवळणासाठी मोठी अडचण होत होती.रस्त्याची प्रमुख समस्या आमदारांच्या माध्यमातून मार्गी लागल्याने उपस्थित नागरिकांनी आभार मानले आहेत.

.     या वेळी सिताराम सरोवर, आबा सरोवर, भरत मोगल, विलास सरोवर, गोरख सरोवर, अशोक सरोवर.. वस्तीवरील ग्रामस्थ मोठ्या प्रमाणात उपस्थित होते.