नांदगाव एक्सप्रेस ओळख असलेल्या कांदे यांच्या पवन अश्वाचा दशक्रिया विधी संपन्न.! आ.सुहास कांदे यांनीही केली सहवेदना व्यक्त.!

सा. श नै श्वर टाइम्स वृत्तसेवा 

नांदगाव (नाशिक ) संतोष कांदे 

पाळीव प्राण्याला जीवापाड जपणाऱ्या समाजातील अनेक घटनांची नोंद आढळून येतात. मात्र घरातल्या व्यक्तीचे निधन झाल्यानंतर जे विधी केले जातात. अगदी तसेच विधी अल्पशा आजाराने मृत्यू

पावलेल्या पवन अश्वाचे केल्यामुळे जळगाव बुद्रुक चे कांदे कुटुंबीय चांगलेच चर्चेत आले आहेत. व या अनोख्या भूतदये बद्दल कौतुक ही केले जात आहे.

.  येथील विश्वनाथ कांदे यांच्या पवन घोड्याने नाशिक जिल्ह्यासह शेजारच्या छत्रपती संभाजीनगर, जळगाव, धुळे, नगर जिल्ह्यात ही चांगले नाव कमावले होते. एकही शर्यत न हरलेल्या या अजिंक्य अश्वाने कांदे कुटूंबाला लाखो रुपये कमवून दिले होते. त्यामुळे या पवन ला सुमारे १० लाख रुपयांना विकत घेणाऱ्यांची संख्या ही अधिक होती. त्यामुळे त्याला नांदगाव एक्सप्रेस असे अभिमानाने म्हटले जात होते.

.     त्याचा अल्पशा आजाराने मृत्यू झाल्यानंतर या कांदे कुटूंबाला अतीव दुःख झाले.तो घरातला एक सदस्य असल्याने त्याला विधिवत दफन करून त्याचा आज दशक्रिया विधी करण्यात आला. या दशक्रिया निमित्ताने महाराष्ट्रातील प्रसिद्ध कीर्तनकार हभप. संजीवनी ताई गडाख यांच्या प्रवचनाचा कार्यक्रम आयोजित करण्यात आला होता. त्यांनी धार्मिक काळापासून ते इतिहास काळापर्यंत च्या अश्वानी मालकाप्रति केलेल्या कामगिरीची उदाहरणे देऊन उपस्थितांना भूत दया विषयी अंतर्मुख केले.

.   यावेळी कांदे कुटूंबातील पुरुष सदस्यांनी मुंडण केले. व रीतसर दशक्रिया विधीचे मंत्रोच्चारात पुरोहित अण्णा कुलकर्णी यांनी केले.त्यानंतर कावळ्यांना घास ठेवण्यात आला. व कावळ्यांनी तो ग्रहण ही केल्याने उपस्थित कांदे कुटूंबातील महिलांना अश्रू अनावर झाले होते.यावेळी प्रसिद्ध कीर्तनकार हभप. बाळकृष्ण महाराज यांच्यासह शेकडो ग्रामस्थ, महिला उपस्थित होत्या.या घटनेची माहिती मिळताच अधिवेशनात असलेल्या आमदार सुहास कांदे यांनीही सहवेदना व्यक्त केली आहे.