मनमाड करंजवन पाणीपुरवठा योजनेचे ९५ टक्के काम पूर्ण... अधिकाऱ्यांसह नागरिकांनी केली पाहणी.!

सा. श नै श्वर टाइम्स वृत्तसेवा 

नांदगाव (नाशिक ) संतोष कांदे 

आमदार सुहास कांदे यांच्या भगीरथ प्रयत्नांतून साकार होत आलेल्या हिंदुहृदयसम्राट बाळासाहेब ठाकरे मनमाड करंजवन पाणीपुरवठा योजनेचे काम जवळपास ९५ टक्के पूर्ण झाले असून, येत्या दीड महिन्याच्या आसपास मनमाड वासियांना मुबलक पाणीपुरवठा सुरु झाल्यानंतर गेल्या कित्येक वर्षाचा पाण्यासाठीचा वनवास संपूष्टात येणार आहे.

. काल येवल्याचे उपविभागीय अधिकारी बाबासाहेब गाढवे, मनमाड नगरपालिकेचे मुख्याधिकारी शेषराव चौधरी,युवा सेनेचे जिल्हाप्रमुख फरहान खान,शिवसेनेचे तालुकाप्रमुख शाईनाथ गिडगे, माजी नगराध्यक्ष बबलू पाटील, शहरप्रमुख मयूर बोरसे, उपजिल्हाप्रमुख सुनील हांडगे, महेंद्र शिरसाठ, भाजपचे नितीन पांडे, आदीसह नागरिकांनी या मनमाड करंजवन पाणीपुरवठा योजनेची मनमाड ते थेट करंजवन धरण अशी संयुक्त पाहणी केली. व जलद गतीने सुरु असलेले काम बघून समाधान व्यक्त केले.

.   

करंजवन धरणातून मनमाड -लासलगाव रस्त्यावरील भव्य अशा जलशुद्धिकरण  केंद्रात एक तासात एक कोटी लिटर पाणी पोहोच होईल. व या ठिकाणी तासाला १२ लाख ५० हजार लिटर पाणी शुद्ध केले जाईल. आणि मनमाड च्या नागरिकांना  एका दिवसात २० तास सलग पाणी पुरवठा सुरु राहणार असून, प्रति व्यक्ती ३५ लिटर पाणी मिळणार आहे.

.   

 पूर्णतः नैसर्गिक उताराने सुमारे ८१ किलोमीटर अंतर पार करून पाणीपुरवठा होणारी मनमाड करंजवन योजना ही महाराष्ट्रातील एकमेव योजना असेल. तसेच या जलशुद्धिकरण केंद्रातूनही नागरिकांना नैसर्गिक उतारानेच पाणीपुरवठा होणार असल्याने वीज पुरवठायावर होणारा खर्च वाचणार आहे. त्याचबरोबर करंजवन येथेही धरणातून पाणी उचलण्यासाठी असलेल्या जॅकवेल ला वीज पुरवठ्या ऐवजी सौरऊर्जेचा वापर केला जाणार आहे. कारण अनेक पाणी योजना वीज थकबाकी मुळे बंद पडल्याची अनेक उदाहरणे असल्याने भविष्यकाळाचा विचार करून आमदार सुहास कांदे यांनी हा निर्णय घेतला आहे.

.    यावेळी उपस्थित नागरिकांनी आमदार सुहास कांदे यांच्या माध्यमातून मनमाडकरांचा लोकवर्गणी अभावी जटील बनलेला पाणीप्रश्न सुटल्याने कृतज्ञता व्यक्त केली आहे.