गांजा प्रकरणाची सखोल चौकशी करून संतोष गुप्ता ला न्याय द्यावा...आ. सुहास कांदे यांची विधानसभेत मागणी.!

सा. श नै श्वर टाइम्स वृत्तसेवा 

नांदगाव (नाशिक ) संतोष कांदे 

तालुक्यातील बहुचर्चीत गांजा प्रकरणी अटकेत असलेल्या उबाठा गटाचे तालुकाप्रमुख संतोष गुप्ता यांच्यावर जी कारवाई झाली आहे, त्यात सखोल चौकशी करून खरे दोषी पकडावे, व संतोष गुप्ता यांना न्याय द्यावा अशी जोरदार मागणी मतदार संघांचे आमदार सुहास कांदे यांनी विधानसभेत एका लक्ष्यवेधी द्वारे केली आहे.

.    या गांजा प्रकरणावरून तालुक्यात अप्रत्यक्षरित्या आमदार सुहास कांदे यांना लक्ष्य केले जात होते. जो मोर्चा काढण्यात आला. त्यावेळी ही बहुतांश वक्त्यांनीही आमदार सुहास कांदे यांच्या कडेच अंगुलीनिर्देश केल्याचे दिसून येत होते. मात्र आज आमदार सुहास कांदे यांनी थेट  विधानसभेत लक्ष्यवेधी मांडून तालुकाप्रमुख  संतोष गुप्ता यांना न्याय मिळवून देण्याची मागणी केल्याने, आ. श्री. कांदे यांच्यावर विरोधकांकडून जो संशय घेतला जात होता. त्याला आपसूकच मूठमाती मिळाली आहे.

.  ही लक्ष्यवेधी मांडताना आमदार श्री. कांदे यांनी, संतोष गुप्ता हे त्यांचा किराणा. व्यवसाय सांभाळून पोटतिडकीने  गोरगरीब लोकांची सेवा करतात.आणि ते एक राजकारणी आहेत. मात्र आज जी वेळ त्यांच्यावर आली आहे, ती भविष्यात कुणावर ही येऊ शकते. म्हणून जो अज्ञात व्यक्ती त्यांच्या दुकानात गांजाची पिशवी ठेवून गेला होता. त्याचा पोलिसांनी शोध घ्यावा.व या प्रकरणाची नि:पक्षपणे चौकशी करून  संतोष गुप्ता यांना न्याय मिळवून द्यावा. अशी जोरदार मागणी केली आहे.

.     दरम्यान संतोष गुप्ता हे ज्या पक्षाचे तालुका प्रमुख म्हणून काम बघतात. त्या पक्ष प्रमुखांनी या घटनेबाबत  अजून ब्र शब्द ही काढलेला नाही. मात्र शिंदे गटाचे आमदार असलेल्या आमदार सुहास कांदे यांनी यावर थेट  विधानसभेत जाऊन आवाज उठवल्याने तालुक्यात चर्चेला उधाण आले आहे.