दिव्यांगाना ही सामान्यांप्रमाणे शिक्षणाचा अधिकार.! सौ. अंजुम कांदे

सा. श नै श्वर टाइम्स वृत्तसेवा 

नांदगाव (नाशिक ) संतोष कांदे 

सामान्य विद्यार्थ्यांप्रमाणे दिव्यांग विद्यार्थ्यांना ही शिक्षणाचा समान अधिकार घटनेने उपलब्ध करून दिलेला आहे. दिव्यांगाना विशेष सहाय्य पुरवून सामान्य विद्यार्थ्यांसोबत शिक्षणाची समान संधी उपलब्ध करून देणे व त्यांना समाजाच्या मुख्य प्रवाहात आणणे ही आपल्या सर्वांची जबाबदारी आहे. असे प्रतिपादन समाजसेविका सौ. अंजुम कांदे यांनी केले.

.   आमदार सुहास कांदे यांच्या विशेष प्रयत्नातून समग्र शिक्षा अंतर्गत तालुक्यातील दिव्यांग विद्यार्थ्यांना मोफत साहित्य वाटप सौ. कांदे यांच्या हस्ते आमदारांच्या निवासस्थानी करण्यात आले. त्यावेळी त्या बोलत होत्या.

.     तालुक्यातील सर्वच सामान्य जणांसह दिव्यांग बांधवाना सर्व प्रकारचे सहाय्य करण्यात आपले आमदार सुहास अण्णा नेहमीच पुढाकार घेत असतात. यापुढे कोणत्याही प्रकारची मदत लागल्यास निसंकोचपने सांगावे. दिव्यांग संसाधन कक्षास आवश्यक ती मदत करू असे ही त्या शेवटी म्हणाल्या.

.  यावेळी सौ. अंजुम कांदे यांच्या हस्ते दिव्यांगाना श्रवणयंत्र, कमोड चेयर, व्हील चेयर, आदी सहाय्यभूत मोफत साहित्याचे वाटप करण्यात आले. यावेळी गटविकास अधिकारी संदीप दळवी, शिक्षणाधिकारी प्रमोद चिंचोले,शिवसेनेचे सागर हिरे, प्रकाश शिंदे, सद्दाम शेख, शशी सोनावणे, भावराव बागुल,रोहिणी मोरे,समग्र शिक्षण विशेष तज्ञ पुरुषोत्तम बुरकूल, योगेश फटांगरे, विशेष शिक्षक जाधव, श्रीमती फटांगरे, महाले, प्रहार संघटनेचे तालुका अध्यक्ष संदीप सूर्यवंशी उपस्थित होते.