मेंढपाळ बांधवाला पॅरिस ला पाठवू.! आ. सुहास कांदे

सा. श नै श्वर टाइम्स वृत्तसेवा 

नांदगाव (नाशिक ) संतोष कांदे 

पुण्यश्लोक राजमाता अहिल्यादेवी होळकर यांच्या पूर्णकृती पुतळ्याचे अनावरण करण्यासाठी त्यांचे सातवे वंशज यशवंतराजे होळकर यांना पॅरिस ला जाऊन निमंत्रीत करण्यासाठी मेंढपाळ बांधवाला पाठवू असे प्रतिपादन आमदार सुहास कांदे यांनी केले.

.     शनिमंदिर पुलावर असलेल्या बगीच्यात पुण्यश्लोक राजमाता अहिल्यादेवी होळकर यांच्या पूर्णकृती पुतळ्याचे लवकरच अनावरण केले जाणार आहे. त्या संदर्भात समाज बांधवांची मते जाणून घेण्यासाठी  हनुमान नगरातील आमदारांच्या निवासस्थानी नांदगाव मतदार संघातील  मेंढपाळ बांधवांचा स्नेहमेळावा आयोजित करण्यात आला होता.त्यावेळी आ. श्री. कांदे बोलत होते.

.     अगोदरच्या वक्त्यांनी या अनावरण सोहळ्याला त्यांचे पूजनीय असलेले सातवे वंशज यशवंतराव होळकर यांना निमंत्रीत करावे असा सुरु काढला, त्यावर आ. सुहास कांदे यांनी होकार दर्शवत निमंत्रण देण्यासाठी मग मेंढपाळ बांधव मूळ वेषात पाठवू असे सांगितले.

.    शहरातील अहिल्या चौकात पुतळा बसवणे कायदेशीर तांत्रिक बाबींमुळे शक्य झाले नसले तरी या ठिकाणी असलेल्या चबूतऱ्यावर अहिल्यादेवीची राजमुद्रा बसवण्यात येईल. तसेच तालुका व जिल्ह्यात मेंढपाळ बांधवाना स्थानिकांच्या दादागिरीसह अनेक अडचणीचा सामना करावा लागतो. मात्र यापुढे कुठेही अन्याय होऊ देणार नाही. जर कुणी असा प्रयत्न केला तर मला कळवा मी स्वतः धावून येईन. तालुक्यातील वन विभागाची जी काही राखीव क्षेत्र असेल तेथे पाच फुटापेक्षा मोठे वृक्ष असेल तर तुम्ही बिनधास्त मेंढ्या चारू शकतात. तसे आदेश मी वन विभागाला देणार आहे. असेही आ. कांदे म्हणाले.

.  रानावनात मेंढ्या सांभाळण्यासाठी जीव धोक्यात घालून जगत असलेल्या मेंढपाळ बांधवांचा व त्यांच्या मेंढ्याना विमा संरक्षण आवश्यक आहे. तसेच कुठलीही कागदपत्रे नसल्याने लाडकी बहीण योजनेपासून वंचित राहतील अशी भीती व्यक्त झाल्याच्या विधानावर आ. कांदे यांनी या मेंढपाळ वाड्या, वस्तीवर जाऊन शिबीर आयोजित करून या मेंढपाळ भगिनींना आवश्यक कागदपत्रे काशुन देण्याच्या सूचना कार्यकर्त्यांना केल्यात. व मेंढपाळ भगिनींना मी सॅल्यूट करतो असेही आ. कांदे शेवटी म्हणाले.तर समाजसेविका सौ. अंजुम कांदे यांनी, राजमाता अहिल्यादेवी एक महिला असताना असामान्य कार्य केले. मग त्यांच्या पुतळा अनावरण सोहळ्याला महिलांनी ही मोठ्या प्रमाणात हजेरी लावावी.असे आवाहन केले.

.    गणेश चव्हाण, राजेश शिंदे, अर्जुन काळे, खुशाल सोर, महेंद्र दुकळे, शाईनाथ गिडगे, बिरू शिंदे, अण्णाभाऊ सरोदे, नंदू खरात, शिवाजी पाटील, आदिनी मनोगत व्यक्त केले.

.    यावेळी ज्ञानेश्वर कांदे, धनंजय कांदे, किरण कांदे,बबलू पाटील, प्रमोद भाबड, सागर हिरे,प्रकाश शिंदे, शशी सोनावणे,भावराव बागुल, रोहिणी मोरे, भारती बागोरे, माया शेळके, आदी सह शेकडो मेंढपाळ बांधव उपस्थित होते. सूत्रसंचालन अमोल नावंदर यांनी केले.