माझ्या मतदार संघातील एकही भगिनीं या योजनेपासून वंचित राहता कामा नये.! आ. सुहास कांदे

सा. शनैश्वर टाइम्स वृत्तसेवा 

नांदगाव (नाशिक ) मुख्यमंत्री ना. एकनाथ शिंदे यांनी जाहीर केलेल्या लाडकी बहीण योजनेचा लाभ

 घेण्यासाठी तालुक्यातून भरघोस प्रतिसाद वाढल्याने शासकीय यंत्रणा अपुरी पडत असल्याचे दिसून येत आहे. अशा परिस्थितीत प्रशासनाने योग्य नियोजन करून प्रत्येकाला लाभ मिळेल याची दक्षता घ्यावी. अशा सूचना आमदार सुहास कांदे यांनी दूरध्वनीवरून दिल्या आहेत.

      आमदार श्री. कांदे यांच्या सूचनेवरून फरहान खान यांनी महिला बालविकास विभागाच्या प्रकल्पाधिकारी प्राची पवार,मुख्यसेविका श्रीमती गवळी,किरण कांदे, धनंजय कांदे,राजेंद्र पवार,प्रमोद भाबड,सागर हिरे,दिपक मोरे,राजेंद्र देशमुख,संजय आहेर,शशी सोनावणे, अय्याज शेख,सुनील जाधव,प्रकाश शिंदे,किरण देवरे, आदींची बैठक बोलावून सदर बैठकीत ज्या माता भगिनींना आवश्यक कागदपत्रांची अडचण भासेल ती कागदपत्रे आमदार संपर्क कार्यालयाचे कर्मचारी त्या त्या गावांत जाऊन घरपोहोंच देतील. असे ठरवण्यात आले आहे.

     या योजनेचा लाभ घेण्यापासून मतदार संघातील माझी एकही माता - भगिनीं वंचित राहणार नाही. याची काटेकोरपणे काळजी घेण्याची सूचना आमदार सुहास कांदे यांनी प्रशासनाला दिल्या आहेत.