लाडकी बहीण योजना यशस्वीतेसाठी शहर शिवसेनेचा पुढाकार.!

सा. शनैश्वर टाइम्स वृत्तसेवा 

नांदगाव (नाशिक ) संतोष कांदे 

सद्यस्थितीत प्रत्येक महिलांच्या जिव्हाळ्याचा विषय बनलेल्या लाडकी बहीण योजनेतून शहर व मतदार संघातील एकही गरजू बहीण वंचित राहू नये, याकरिता आमदार सुहास कांदे,समाजसेविका सौ.अंजुम कांदे यांच्या सूचनेनुसार शहर शिवसेनेच्या सर्व पदाधिकाऱ्यांची महत्वपूर्ण बैठक शासकीय विश्रामगृहाच्या शिवनेरी सभागृहात पार पडली.

     

या बैठकीत मतदार संघातील प्रत्येक घरी जाऊन पात्र लाभार्थी शोधून त्यांना या योजनेचे मोफत अर्ज पुरवून त्यासाठी लागणाऱ्या कागदपत्रांची पूर्तता करून देण्याबाबतचा महत्वपूर्ण निर्णय घेण्यात आला.

    या बैठकीस युवा सेना तालुकाप्रमुख सागर हिरे, शहरप्रमुख सुनील जाधव, महिला आघाडी शहरप्रमुख रोहिणी मोरे, अँड. विद्या कसबे, निशा चव्हाण, वंदना पांडे,विजया चतुर, नेहा कोळगे, उषा राठोड, रोशनी मुळे, प्रकाश शिंदे, प्रशांत पगार, रवी सोनावणे, बापू जाधव, मंगेश सांगळे, सिद्धेश खरोटे, गौरव वर्देकर, सुनील सोर, शरद आयनोर, राजू सोमासे, आदीसह शेकडो महिला व पुरुष पदाधिकारी उपस्थित होते.