आ.कांदे यांच्या विकासाच्या गतीपुढे विरोधक निष्प्रभ.!

सा. शनैश्वर टाइम्स वृत्तसेवा 

नांदगाव ( nashik ) संतोष कांदे 

यापूर्वीच्या लोकप्रतिनिधीकडून जे प्रश्न आजपर्यंत प्रयत्न करूनही सुटले नव्हते, ते आमदार सुहास कांदे यांनी म्हतप्रयत्नाने  सोडवले. त्यामुळे राजकीय विरोधकांना ही विद्यमान लोकप्रतिनिधीवर काय टीका करावी असा प्रश्न पडत असावा अशी परिस्थिती नांदगाव विधानसभा मतदार संघाची आहे.

.       

सन २०१९ च्या निवडणुकीनंतर कोरोनाची अडीच वर्षे मतदार संघातील गोरगरीब जनतेला जीवनावश्यक धान्य पुरवण्यापासून ते तयार जेवणाचे डब्बे पुरवण्यात गेले. तेव्हा विरोधक मात्र जिवाच्या भीतीने घरात बसून राहिले.शासकीय मदतीची वाट न बघता स्वखर्चाने जनतेसह, शासकीय कर्मचाऱ्यांनाही कोरोना संबंधित आवश्यक साहित्य पुरवठा करून खऱ्या अर्थाने कुटूंबाप्रमुखांची भूमिका बजावणारे आमदार सुहास कांदे उल्लेखनीय लोकप्रतिनिधी ठरले होते.

.      नंतरच्या अडीच वर्षात आमदार सुहास कांदे यांचा विकासाचा वारू जो उधळला तो आजतगायत अविरतपणे धावतोय. मागणी करताच अवघ्या काही सेकंदात ते विकासाचे काम मंजूर करणारा लोकप्रतिनिधी जनता प्रथमच बघतेय. "बघतो, करतो, तपास घेतो, विचारतो हे शब्दच मुळी आमदार सुहास कांदे यांच्या शब्दकोषामध्ये नाहीत. मग ती समस्या पाण्याची असो,सभामंडपाची, पुतळ्याची,शाळेची,रस्त्याची, धार्मिक स्थळांची, शेतातल्या रस्त्यांची, रेशन कार्डाची, जातीच्या दाखल्याची, डोळ्यांच्या चष्म्याची, शस्त्रक्रियेची, वा इतर कुठल्याही आजाराची, यासंह अशा अगणित समस्या घेऊन आलेल्या सामान्यांना केव्हाही रिकाम्या हाताने परत जावे लागल्याचे उदाहरण नाही. आणि इतक्यावरच न थांबता आग लागून संसार उध्वस्त झाला तर शासकीय मदतीची वाट बघण्याची आता गरज नाही. कारण आमदार सुहास कांदे यांनी त्यावर ही मार्ग शोधून काढला आहे.संबंधित आपदग्रस्त कुटूंबाला स्वखर्चाने किराणा, धान्य, कपडे व जीवनावश्यक भांडी अगदी गॅस सह दिली जातात. आतापर्यंत शेकडो कुटूंबाना अशी मदत पोहोच झाली आहे.

.     नैसर्गिक संकटाने बळी गेलेल्यांना ही आर्थिक मदतीसह, त्यांचा संसार उभा करण्यात आमदारांचा सिंहाचा वाटा असतो. कुठल्याही संकटात आता लोकांना पुढे काय.? असा प्रश्न पडत नाही. कारण देवाज बंगल्यावर या प्रश्नाचे उत्तर आहे. हे सर्वाना कळून चुकले आहे.त्यामुळे अगदी छोट्या -छोट्या समस्या ही लोक बिनधास्त मांडून सोडवून घेतात. आणि तालुक्याच्या लोकप्रतिनिधी बाबतीत असा अनुभव प्रथमच या मतदार संघातील जनतेला आला आणि येत आहे.

.     जनतेसह कार्यकर्त्यांना ही मायेने सांभाळणारा लोकप्रतिनिधी कार्यकर्ते ही प्रथमच अनुभवत आहेत.काही समस्या नसताना आमदारांना नुसते बघण्यासाठी बंगल्यावर येणाऱ्या लोकांची संख्या हा तर कुतूहलाचा विषय आहे.आलेल्याना काय आदेश किंवा काही काम होते का.? असे आमदार सुहास कांदे विचारतात तेव्हा काही काम नव्हते...आलो तुम्हाला भेटायला.! असे जेव्हा समोरून उत्तर मिळते. तेव्हा आमदार सुहास कांदे यांचाही ऊर भरून येतो. आणि आमदारकी खऱ्या अर्थाने सार्थकी लागल्याचे मनस्वी समाधान मिळत असल्याचे ते नमूद करतात.

.    आणि म्हणूनच आमदाराकडून समस्या सुटली नाही असे घडतं नसल्याने विरोधकांकडे विरोधाचे मुद्देच नाहीत.

.