मुस्लिम युवकांने वाचवले हिंदू महिलेचे प्राण.!
नांदगाव (nashik ) संतोष कांदे
आमदार सुहास कांदे यांच्या रुग्णवाहिकेवर चालक असलेल्या मुस्लिम समाजाच्या युवकाने हिंदू धर्माच्या विवाहितेला रक्त देऊन प्राण वाचवल्याची घटना चांगलीच चर्चेत आली आहे.
. मी स्त्री -पुरुष सोडून कुठलीही जात, ' अन माणुसकी सोडून कुठलाही धर्म मानत नाही.! हे ब्रीदवाक्य घेऊन वाटचाल करत असलेल्या आमदार सुहास कांदे यांचा आदर्श कार्यकर्त्यांसह त्यांचे कर्मचारी ही घेत असल्याचे या घटनेवरून दिसून आले.
. नांदगाव मतदार संघातील पोही येथील त्र्यंबक चव्हाण यांची विवाहित मुलगी निकिता राठोड हिला बाळंतपणासाठी चाळीसगाव (जि.जळगाव ) येथील शोभा नावाच्या खाजगी रुग्णालयात आमदार कांदे यांच्या रुग्णवाहिकेतून नेण्यात आले असता, अधिक रक्तस्त्राव झाल्याने तिला रक्ताची गरज भासली. तेव्हा त्या रक्तगटाचे रक्त शिल्लक नव्हते. अधिक तपासाअंती रुग्णवाहीका चालक अझहर शेख याचा रक्तगट ही तोच असल्याने तत्काळ त्याचे रक्त सौ. निकिता हिला देण्यात आले. आणि तिचा जीवावरचा धोका टळला.
. 
याबद्दल रुग्णालय प्रशासन,निकिताचे आईवडील व आमदार सुहास कांदे यांनी अझहर चे कौतुक केले आहे.
Comments
Post a Comment