उत्तर प्रदेश च्या तरुणांमध्ये ही आ. सुहास कांदे यांची क्रेज.!

सा. शनैश्वर टाइम्स वृत्तसेवा 

नांदगाव (nashik ) संतोष कांदे 

नांदगाव मतदार संघांचे आमदार सुहास कांदे किती लोकप्रिय आहेत याचा प्रत्यय शिवमहापुराण कथेच्या तिसऱ्या दिवशी आला. उत्तर प्रदेशमधील वाराणसी येथून आलेल्या बहीण भावाने आमदार सुहास कांदे यांच्याबरोबर सेल्फी काढण्याची इच्छा थेट पं. प्रदीप मिश्रा यांच्याकडे चिठ्ठी द्वारे केली. अन बाबांनी ती तत्काळ पूर्ण ही केल्याने ही घटना चांगलीच चर्चेत आली आहे.

.              शिव महापुराण कथेचा काल तिसरा दिवस होता. जवळपास २ लाखापेक्षा जास्त शिवभक्तांनी या कथेला हजेरी लावली होती. पं. मिश्राजीच्या सुमधुर वाणीतून महादेवाच्या रोज वेगवेगळ्या भक्तिमय कथा भाविक श्रवण करत आहेत. आमदार सुहास कांदे यांनी नियोजनच असे केले आहे की,मतदार संघातील भाविकासह,पर तालुका, जिल्हा, व इतर गुजरात, मध्यप्रदेश, उत्तर प्रदेश, झारखंड, राजस्थान आदी राज्यातून आलेल्या भाविकांची चोख व्यवस्था ठेवली जात आहे.

.    काल कथा सुरु असताना पं. मिश्राजींनी भाविकातून आलेल्या पत्राचे वाचन सुरु केले असता, वाराणसी (उत्तर प्रदेश ) येथून आलेल्या कैन्हया यादव व नेहा यादव यांच्या पत्रात अजब मागणी बाबांच्या वाचनात आली. अन बाबांना ही हसू फुटले. या बहीण भावाने आमदार सुहास कांदे यांच्या बरोबर सेल्फी काढण्याची इच्छा बाबांना पत्र लिहून केली होती. तसे बाबांनी वाचून दाखवताच लाखो भाविक आश्चर्य चकित झाले.

.     पं. प्रदीप मिश्रा यांनी आमदार सुहास कांदे यांना या बहीण भावाची इच्छा पूर्ण करण्याची विनंती करताच या दोघांना मंचावर आमंत्रित करण्यात आले. सेल्फी काढून झाल्यानंतर बाबांनी ही त्यांना बेलपान रुपी आशीर्वाद दिला. त्यानंतर आमदार सुहास कांदे, समाजसेविका सौ. अंजुमताई कांदे व फरहान दादा यांनी या बहीण भावाचा उचित सत्कार केला. मात्र काल दिवसभर ही घटना चर्चेत राहिली.