तर भुजबळांना गावबंदी.!-:माजी सरपंच कांदे

ब्रेकिंग न्यूज....

सा. शनैश्वर टाइम्स वृत्तसेवा 

नांदगाव (nashik ) संतोष कांदे 

२००९ मध्ये विद्यमान आमदार सुहास कांदे यांनी निवडणुकीतून माघार घेतल्यानंतर, त्यांच्या सांगण्यानुसार आम्ही मंत्री छगन भुजबळ यांचे पुत्र पंकज भुजबळ यांना पूर्व भागातून मताधिक्य दिले. मात्र आता विद्यमान आमदार सुहास कांदे यांनी मतदार संघात भरघोस कामे केली असल्याने साहजिकच त्यांना मदत करण्याचा निर्णय संपूर्ण मतदार संघाने घेतला आहे. मात्र तरीही भुजबळ अँड कंपनी मुद्दामहून खोडा घालण्याचा प्रयत्न करत असल्याचे दिसून येत आहे. ही आपापसातील फूट सहन केली जाणार नसल्याचे वक्तव्य जळगाव बुद्रुक मधील एकमेव बिनविरोध ग्रामपंचायत सदस्य व बिनविरोध सरपंच दत्तू महादू कांदे यांनी केले आहे.

माजी सरपंच श्री. कांदे यांनी पुढे म्हटले आहे की, विद्यमान आमदार सुहास कांदे यांनी मनमाड शहराचा जटील बनलेला पाणी प्रश्न सोडवण्यात यश मिळवले. नांदगाव शहराला ५६ खेडी योजनेच्या जाचातुन मुक्त केले. व भुजबळ तुम्ही माणिकपूंज धरणातून तातडीची जी योजना नांदगाव साठी आणली होती,ती योजना धड एक दिवस ही सुरळीत चालू शकली नाही. कारण यातून तुम्ही नांदगावकरांची तहान नाही तर तुमच्या चिल्ल्या पिल्ल्याची तहान भागवल्याचे नंतर लक्षात आले.

.  आता सर्व सुरळीत सुरु असताना मध्येच तुम्ही समीर भुजबळ यांना शुभेच्छा देताना नांदगाव च्या जनतेचे प्रश्न सोडवण्याचे आशीर्वाद दिलेत. मग दहा वर्षे तुमचाच मुलगा आमदार असताना दोन इमारती अन एक पूल बांधण्या पलीकडे त्यांची मजल का गेली नाही..? असेही माजी सरपंच दत्तू कांदे यांनी म्हटले आहे.

विधानसभेसाठी कंबर कसलेल्या समीर भुजबळ यांचे नांदगाव मतदार संघांसाठी योगदान काय.? असा प्रश्न उपस्थित झाला तर काय उत्तर देणार.? भुजबळ ..!  यावर ही माजी सरपंच कांदे यांनी बोट ठेवले आहे.