अंगणवाडी सेविका द्वितीय (दुसरी ) माताच -: आ. सुहास कांदे

सा. श नैश्वर टाइम्स वृत्तसेवा 

नांदगाव (nashik ) संतोष कांदे 

बाळ आईच्या उदरात असल्यापासून ते शाळेत जाईपर्यंत त्याची काळजी घेणाऱ्या अंगणवाडी सेविका दुसरी माताच आहे, असे प्रतिपादन आमदार सुहास कांदे यांनी केले.

.  हनुमाननगर च्या देवाज बंगल्यावर नांदगाव मतदार संघातील अंगणवाडी सेविका व मदतनीस यांचा स्नेह मेळावा व प्रिती भोजन कार्यक्रम आयोजित करण्यात आले होते, त्यावेळी शेकडो अंगणवाडी सेविकांना मार्गदर्शन करताना आमदार कांदे बोलत होते.

.   आईच्या गर्भात बाळ असताना लसीकरण, डोस, आहार, आरोग्य तपासण्या, आदी गोष्टी करायला त्या बाळाची आई विसरेल पण अंगणवाडी सेविका नाही, त्या नित्यनेमाने नऊ महिने त्या बाळाची काळजी घेतात.बाळ जन्माला आल्यानंतर त्याचा अंगणवाडीत प्रवेश करून त्याचे नाक पुसण्यापर्यंत सर्व कामे त्या इमानदारीने करतात.आणि तुम्ही सर्व मला बैहिनी सारख्या आहात, तुम्हाला काहीही गरज पडल्यास किंवा कुठलीही अडचण मग ती मोठी असो वा छोटी तरी माझे घर तुमचे माहेर समजून मला सांगा असे भावनिक आवाहन ही आमदार कांदे यांनी शेवटी केले.

 तर समाजसेविका सौ. अंजुमताई कांदे म्हणाल्या की, शासनाने जरी आता तुमच्या मानधनात वाढ केली असली तरी हे मानधन कामाच्या तुलनेत तुटपूंजे आहे. कारण पोलिओ निर्मूलन सह नंतरच्या काळात आलेल्या कोरोना महामारीने सर्व जग घरात बसून असताना तुम्ही मात्र जीव धोक्यात घालून लोकांच्या घरी जाऊन सेवा करत होत्या. त्यावेळी आम्ही ही आमची सामाजिक जबाबदारी जाणून स्वखर्चाने पीपीई किट पुरवले होते. अशी आठवण ही सौ. कांदे यांनी यावेळी सांगितली.

.  यावेळी अनेक अंगणवाडी सेविकांनी आमदार सुहास कांदे व सौ. अंजुमताई करत असलेल्या लोकोपयोगी कामाची स्तुती केली.अंगणवाडी सेविकांना नवरात्र असल्याने फराळ देऊन पैठणी व कपडे भेट देण्यात आले.

.    कार्यक्रमास नांदगाव प्रकल्पाच्या बालविकास अधिकारी प्राची पवार,यांच्यासह सौ. उज्वला खाडे, सुजाता कातकडे, विद्या जगताप, मुख्यसेविका जयश्री गवळी, रोहिणी मोरे,संगीता बागुल,पूजा छाजेड, निशा चव्हाण, माया शेळके, प्रमोद भाबड, सागर हिरे, सुनील जाधव, प्रकाश शिंदे, नेहा कोळगे, संजय पारखे,आदीसह मालेगाव व नांदगाव प्रकल्पातील शेकडो अंगणवाडी सेविका मदतनीस उपस्थित होत्या.सूत्रसंचालन राजेंद्र देशमुख यांनी केले.