अखेर भुजबळ कुटुंबं ही फुटीच्या उंबरठ्यावर...

सा. श नैश्वर टाइम्स वृत्तसेवा 

नांदगाव (नाशिक ) संतोष कांदे 

विद्यमान शासनात मंत्री अन प्रभावशाली नेतृत्व असलेल्या ना. छगन भुजबळ यांच्या घरात ही बंडखोरीची लागण झाल्याची चिन्हे आजमितीस दिसून येत असल्याने राजकीय वर्तुळात मोठी खळबळ उडाली आहे.

  ना. छगन भुजबळ यांचे पुतणे व नाशिक लोकसभा मतदार संघांचे भूतपूर्व खासदार समीर भुजबळ यांनी नांदगाव विधानसभा मतदार संघातून निवडणूक लढवण्याचे स्पष्ट संकेत दिले आहेत. मात्र महायुतीत मंत्री असलेल्या ना. छगन भुजबळ यांच्या विरोधात गेले तरच समीर भुजबळ यांना नांदगाव विधानसभा मतदार संघातून लढणे शक्य होईल, असे मत राजकीय जाणकार व्यक्त करत आहेत.

 कारण या नांदगाव मतदार संघांचे विद्यमान आमदार सुहास कांदे आहेत. अन महायुतीत जागा वाटप मध्ये बेबनाव होण्याची शक्यता सध्या तरी दिसून येत नाही. तरीही समीर भुजबळ व त्यांचे कार्यकर्ते भुजबळांना भावी आमदार उपाधी देत असल्याने समीर भुजबळ हे घर फुटीच्या मार्गांवर असल्याचे प्रथमदर्शनी दिसून येत आहेत...

समीर भुजबळ यांनी नांदगाव मतदार संघात तळ ठोकून अनेक गावांत नवरात्र उत्सवाच्या निमित्ताने डिजिटल फलक लावले आहेत. त्यामुळे साहजिकच समीर हे बंडखोरीच्या पवित्र्यात असल्याचे प्रथमदर्शनी दिसून येत असल्याने ना. छगन भुजबळांचे कुटुंबं ही फुटीच्या उंबरठु्यावर असल्याचे दिसून येत आहे.