जातीवाद करणाऱ्यांना त्याच मतदारांनी तोंडावर पाडले...अखेर विकास हीच खरी जातं.!.- आ. सुहास कांदे यांची भावनिक साद मतदारांना भावली..

सा.श नैश्वर टाइम्स वृत्तसेवा 

.             नांदगाव तालुका राजकीय वार्तापत्र 

नांदगाव (nashik ) -:

.                             संतोष कांदे 

नांदगाव मनमाड चा पाणीप्रश्न सोडवला, तरुण व महिलांसाठी रोजगाराच्या संधी औद्योगिक वसाहत मनमाड,महिला गृहउद्योग च्या माध्यमातून मार्गी लागणार आहेत. सामाजिक अस्मिता जोपासण्यासाठी  शिवसृष्टी ते सर्व महापुरुष स्मारक,पुतळे उभारले.. मग तरीही नांदगाव मतदार संघ भयमुक्त करण्यासाठी उमेदवारी करणार्यांना या मतदार संघातील जनतेने घरचा रस्ता दाखवला. आणि मोठ्या दिमाखाने विद्यमान आ. सुहास कांदे यांना ऐतिहासिक मताधिक्य देत दुसऱ्यांदा आमदारकीची संधी दिली.

.  गेल्या २० वर्षांपासून नांदगाव मतदार संघांसाठी काम करत असलेल्या सुहास कांदे यांना यापूर्वीच ही संधी द्यायला हवी होती. आज नांदगाव मतदार संघ बारामती झाला असता,अशी खंत येथील जनता आ. कांदे यांचा फक्त अडीच वर्षातील विकास पाहून व्यक्त करत आहे. मात्र तरीही देर आये दुरुस्त या उक्तीप्रमाणे आता सलग पाच वर्ष नवनियुक्त आमदार सुहास कांदे यांना मिळणार असल्याने. ते या संधीचे सोने च करतील अशी अपेक्षा व्यक्त केली जातं आहे.

.  स्वतःला ओबीसीचे नेते समजणाऱ्या माजी मंत्री छगन भुजबळ यांनी महायुतीत असतानाही पुतण्या समीर भुजबळ यांना राष्ट्रवादी काँग्रेस च्या सर्व पदाचा राजीनामा द्यायला लावून नांदगाव मतदार संघात महायुतीचे उमेदवार सुहास कांदे यांच्या विरोधात उमेदवारी करायला लावली. मात्र पुतण्याने बंड केल्याचा कांगावा ही करून बघितला.मतदानाच्या दिवशी जो प्रकार झाला. वास्तविक त्या दिवशी तटस्थ भूमिका घेणे आवश्यक असताना अपक्ष उमेदवार समीर भुजबळ यांची बाजू घेत महायुतीच्या उमेदवाराविरोधात वक्तव्य केले. म्हणजेच ही बंडखोरी मोठ्या भुजबळांच्या सांगण्यावरूनच होती. याला आपसूकच बळ मिळाले.

.     यावरच न थांबता उबाठा गटाच्या गणेश धात्रक यांना ही अंतर्गत बळ पूरवणे असो वा अन्य अपक्ष उमेदवारांना ताकद देत एक नक्कली सुहास कांदे आणला. त्याची उमेदवारी दाखल करत समीर भुजबळ स्वतः  त्या उमेदवाराला मांडीवर बसवून एका गाडीत  घेवून गेल्याचा व्हिडिओ ही चांगलाच व्हायरल झाला आहे. ह्या सर्व घडामोडीचा योग्य तो परिणाम झाल्याने आमदार सुहास कांदे यांच्या गळ्यात आपसूकच आमदारकीची माळ पडली.

.     मराठा आरक्षणाचे जनक मनोज जरांगे पाटील यांनी सूचना केली. मतदार संघातील समाजाच्या सर्व वरिष्ठ नेत्यांनी समजूत घातली. मात्र  मूठभर लोकांच्या सांगण्यावरून माघार न घेतलेल्या  अपक्ष उमेदवार डॉ. रोहन बोरसे यांनी ही उमेदवारी करून काय साध्य केले.? हा गहन प्रश्न सध्या चर्चेत आहे. 

तर उबाठा चे प्रमुख उद्धव ठाकरे यांनी  जेव्हा संजय पवार हे शिवसेनेचे उमेदवार म्हणून निवडून येण्याची परिस्थिती होती.तेव्हा भुजबळांच्या सांगण्यावरून मनमाड च्या सभेला दांडी मारली. अन स्वतःचा उमेदवार पाडला. अन आता अनामत रक्कम ही जप्त होईल अशा उमेदवारासाठी मनमाड मध्ये सभा घेतली.या एक ना अनेक कारणाने यंदाची निवडणूक लक्ष्यवेधी ठरली.

.   आमदार सुहास कांदे यांच्या गेल्या अडीच वर्षातील विकासकामांची महती पटली म्हणा किंवा कार्यकर्त्यांचा रेटा म्हणून माजी आमदार अँड अनिल आहेर यांनी सुहास कांदे यांना साथ देण्याचा निर्णय अत्यंत निर्णायक ठरला आहे. जेष्ठ नेते बापूसाहेब कवडे, माजी आमदार संजय पवार, माजी नगराध्यक्ष राजेश कवडे, बबलू पाटील,विलास आहेर, नंदू पाटील, यांच्यासह मराठा समाजाच्या सर्वच समाजधुरीणांनी  योग्यवेळी योग्य निर्णय घेतल्याने मतदार संघातील जनता या नेत्यांना धन्यवाद नक्कीच देत असेल. कारण सुहास कांदे आमदार झालेच मात्र केंद्रात व राज्यात ही महायुतीचे च सरकार सत्तेवर येणार आहे. अन तालुका सर्व दृष्टीने सुजलाम सुफलाम करण्याची मोठी संधी विद्यमान आमदार सुहास कांदे यांना मिळणार आहे. आणि गेल्या पाच वर्षाचा त्यांचा कार्यकाळ बघता ते या संधीचे सोने नक्कीच करतील यात काही शंका नाही.