विकास हीच माझी जात.... ह्या टॅग लाईन ला भरघोस प्रतिसाद..!

सा. श नैश्वर टाइम्स वृत्तसेवा 

नांदगाव (nashik ) संतोष कांदे 

भयमुक्त नांदगाव.! ह्या टॅग लाईन ला विकास हीच माझी जात.! असे उत्तर देत प्रचार केलेल्या आमदार सुहास कांदे यांच्या पदरात भूतो न भविष्यती असा प्रतिसाद मिळाल्याने या पुढच्या काळात आमदार सुहास कांदे यांची मतदार वर मतदार संघाप्रति जबाबदारी आणखीच वाढली आहे.

.   प्रमुख विरोधक अपक्ष उमेदवार समीर भुजबळ यांनी महायुतीचे उमेदवार सुहास कांदे यांच्या जनतेप्रति असलेल्या डॅशिंग पणाला दादागिरी असल्याचे भासवत भयमुक्त नांदगाव असा रंग देत गावोगावी प्रचार सुरु केला होता. अक्षरशः मालेगाव व येवला शहरातून रोजंदारीने लोक आणत उसने अवसान घेऊन त्यांचा प्रचार सुरु होता. याउलट आमदार सुहास कांदे यांनी अगदी स्वभावाच्या उलट नम्रपणा घेत विकास हीच माझी जात असे प्रत्येक प्रचार सभामधून उदघृत करत सयंमाने वाटचाल केली. त्याला मतदारांनी मतपेटीतून उत्तर देऊन आमदार सुहास कांदे यांचा विश्वास द्विगुणित केला आहे.

 शेतीसिंचनाचा पुढील अजेंडा घेऊन मैदानात उतरलेल्या आमदार सुहास कांदे यांना या प्रश्नांवर अधिक झोकून देऊन काम करावे लागणार आहे. तालुक्यात तसे पर्जन्यमान बेताचेच असते. त्यामुळे या पाण्याचे योग्य नियोजन करावे लागणार आहे.सध्या अस्तित्वात असलेले जलसाठ्यातील पाण्याचे पिण्यासाठी व शेतीसाठीचे अगोदर नियोजन करणे गरजेचे आहे. त्यानंतर यापूर्वी अस्तित्वात आलेल्या छोट्या छोट्या बंधाऱ्यातील गाळ काढणे, उंची वाढवणे,मुख्य भरावातून होणारी गळती रोखण्यासाठी उपाययोजना करणे, मोठे बंधारे व धरणातील सध्या असलेले भराव काढून पाणीसाठा वाढवणे, आवश्यक असेल तर उंची वाढवणे, वाहून जाणारे पुरपाणी खालील बंधाऱ्यात कसे नेता येईल यासाठी उपाययोजना करणे, पाटचाऱ्या व कालव्यांतून होणारी गळती रोखण्यासाठी त्यांना एक्सप्रेस कालवा बनवणे, कुपनलिका खोदण्यास प्रतिबंध घालून विहिरीची संख्या वाढवून शेतकऱ्यांना विहिरी खोदण्यास प्रवृत्त करणे, शेततळ्यांना जास्तीतजास्त मंजुरी देऊन शेततळे उभारण्यास प्रोत्साहन देणे, अस्तित्वात असलेल्या विहिरी खोल करण्यास ही निधी उपलब्ध करून देणे, अशा अनेक शेती सिंचनासाठी उपाययोजना करता येणे शक्य आहे. यावर आमदार सुहास कांदे यांना काम करावे लागणार आहे.