कुठल्याही भुलथापाना बळी न पडता विकासाला साथ दया -: आ. सुहास कांदे

सा. श नैश्वर टाइम्स वृत्तसेवा 

नांदगाव -: (nashik ) - संतोष कांदे 

.   नांदगाव विधानसभा मतदार संघाचा आमदार म्हणून काम करण्याची संधी तुम्ही मला दिली.मात्र या कार्यकाळातील दोन वर्ष कोरोनात तर सहा महिने सत्ता स्थापनेत गेली.तरीही उर्वरित अडीच वर्षात भरघोस कामे केलीत. त्यामुळे विरोधकांकडे मुद्दे नाहीत. म्हणून त्यांचा वेगळा प्रचार सुरु आहे. आणि तुम्ही त्यावर विश्वास ठेवू नये असे आवाहन महायुतीचे उमेदवार तथा आमदार सुहास कांदे यांनी केले.

.   नांदगाव मतदार संघातील निमगाव जिल्हा परिषद गटात प्रचार करत असताना आ. कांदे यांनी गटातील ज्वार्डी, मेहुणे, निमगाव, नींबायती, जाटपाड़े, जेवूर, साकुरी, मळगाव, निमगुले, गिलाणे, खायदे, अजंदे, मथुरपाडे, भूतपाडे, येसगाव बुद्रुक, येसगाव खुर्द, चौकटपाडे, 

तसेच कळवाडी गटातील माल्हणगाव, खलाणे, रोंझाणे,सिताणे, गिगांव, दहिवाळ, रोझे, पाडळदे, शेरूळ, हिसवाळ, देवघट, दापूर, साकुर, नरडाणे,चिंचगव्हाण, कळवाडी या गावांना भेटी देत मतदारांशी संवाद साधला असता, अनेक गावांत त्यांनी वरीलप्रमाणे वक्तव्य केले.

. आमदार सुहास कांदे यांनी आपल्या पक्षाच्या असंख्य नेते व शिवसैनिकांसह ज्वार्डीपासून प्रचारास सुरुवात केली असता, ग्रामस्थांनी फटाक्यांची आतशबाजी, डीजे, फुलांची उधळण करत आमदार सुहास कांदे यांचे स्वागत केले. तसेच गावातील माता भगिनींनी आमदारांचे औक्षण करत विजयी भव चा आशीर्वाद दिला. या गावापासून अशी उल्हासदायक सुरुवात झाल्याने प्रचाराला चांगलीच रंगत आली. त्यानंतर वरील प्रत्येक गावात आमदारांच्या प्रचार ताफ्याचे असेच स्वागत करण्यात आले. काही गावात तर जेसीबीतून आमदार सुहास कांदे यांच्यावर पुष्पवृष्टी करण्यात आली.

.    त्या त्या गावात प्रवेश करताक्षणी आ. कांदे यांनी त्या त्या गावातील ग्रामदैवताचे दर्शन,प्रभू रामचंद्र, भगवान महादेव,छत्रपती शिवाजी महाराज, डॉ. बाबासाहेब आंबेडकर, महाराणा प्रताप, शहीद भगतसिंग,बिरोबा महाराज,वीर एकलव्य,पुण्यश्लोक राजमाता अहिल्यादेवी, संत भगवान बाबा, यांच्या समोर नतमस्तक होत विनम्रपणे अभिवादन करतच प्रचाराला सुरुवात केली.

.  अनेक गावात झालेल्या छोटेखानी संभामधून त्यांनी सांगितले अडीच वर्षे माझी कोरोनात गेली,तरीही मी गेल्या अडीच वर्षात साडे तीन हजार कोटींची कामे खेचून आणली. मनमाड चा पाणीप्रश्न सुटल्यात जमा आहे, मनमाड शहरातील बेरोजगारी हटवण्यासाठी औद्योगिक वसाहतीसाठी भूसंपादन करून ते काम ही जोरात सुरु आहे.आशिया खंडात एकमेव असेल अशी शिवसृष्टी, ७८ खेडी पाणीयोजना, दहिवळ २६ गाव पाणी योजना, शेतीसाठी झाडी धरणाचे पाणी आणले. नांदगाव शहरासाठी गिरणा धरणातून स्वतंत्र पाणीयोजना,स्वखर्चाने हजारो चष्मे मोफत वाटले, घरपोहोंच शैक्षणिक कागदपत्रे, हजारो डोळ्यांच्या शस्त्रक्रिया, आपदग्रस्त कुटूंबाला तत्काळ आर्थिक, धान्य, कपडे अशी मदत केली. त्याचबरोबर अनेकांना वैयक्तिक आर्थिक मदत ही वेळोवेळी केली आहे.आज मतदार संघात एक गाव असे नसेल की, त्या गावात तीन कोटींपेक्षा कमी कामे झाली असतील. असे ही ते म्हणाले.

.   तर अनेक वक्त्यांनी यावेळी बोलताना कुणाला भयमुक्त करायचे आहे.? अन कुणापासून आमदार सुहास अण्णा तर आमच्या कुटूंबातील आहे. आमच्या प्रत्येक सुखदुःखात त्यांचा सहभाग असतो. तसेच आमच्या आमदारांनी कधीही जातीपातीचे राजकारण केले नाही. विकास हीच त्यांची जात आहे. अनेक मराठा आरक्षण आंदोलन वेळी त्यांनी भर पावसात, उन्हात बसून मराठा समाजाला साथ दिली आहे. २८८ आमदारामध्ये सुहास अण्णा एकमेव आमदार असे होते की, कुठलीही पर्वा न करता त्यांनी मराठा आरक्षणाचा वारंवार पुनःरूच्चार केला.

.   या प्रचार दौऱ्यात अनेकांनी आमदार सुहास कांदे यांच्यावर विश्वास ठेवत शिवसेनेत जाहीर प्रवेश ही केला. वरील सर्वच गावातील1~~ लोकप्रतिनिधी व ग्रामस्थांनी आमदार सुहास कांदे यांना आम्ही शंभर टक्के तुमच्या पाठीशी असल्याचे यावेळी सांगितले.