मनमाड नगरपरिषद च्या कर्मचाऱ्यांना १ हजार रुपयांची वाढ... आ. कांदे यांच्या प्रयत्नांना यश.!

सा. श नैश्वर टाइम्स वृत्तसेवा 

नांदगाव (nashik ) संतोष कांदे 

मनमाड नगरपरिषद कर्मचाऱ्यांना दरमहा १०० रुपये असा अत्यल्प वैद्यकीय भत्ता देण्यात येत होता. मात्र सदर बाब आमदार सुहास कांदे यांना समजताच, त्यांच्या लेखी आदेशानुसार सदर कर्मचाऱ्यांना आता दरमहा १००० रुपये वैद्यकीय भत्ता मिळू लागल्याने महाराष्ट्र नगरपरिषद नगरपंचायत कर्मचारी, संवर्ग कर्मचारी संघटनेने आ. कांदे यांचे आभार मानले आहेत.

.    आ. श्री. कांदे यांनी मनमाड नगरपरिषद प्रशासनाला दिलेल्या पत्रात असे म्हटले होते की, नगरपरिषदच्या कायम सेवेत असलेल्या कर्मचारी, कामगारांना वैद्यकीय भत्त्यापोटी अत्यल्प म्हणजेच दरमहा १०० रुपये इतकाच वैद्यकीय भत्ता देण्यात येतो. सदरील भत्ता हा अत्यंत कमी असून, राज्य शासनाच्या ध्येयधोरणाप्रमाणे वैद्यकीय खर्चाच्या प्रतिपूर्तीच्या कमाल मर्यादा जवळपास २० हजार इतकी होती. त्यात सुधारणा करून एकूण खर्चाच्या १० टक्के इतका वैद्यकीय भत्ता अनुदेय करण्यात आला आहे.

मनमाड नगरपरिषद मधील कर्मचाऱ्यांना दरमहा १०० रुपये इतकाच देण्यात येत असून हे अन्यायकारक आहे. सद्यस्थितीत औषधांच्या किमतीत व उपचार पद्धतीत झालेली वाढ बघता सदर वैद्यकीय भत्ता दरमहा १००० इतका करणे गरजेचे आहे. तसा प्रस्ताव शासनास सादर करून त्या कामी मी शासन स्तरावर प्रयत्न करेन असे कळवले होते. त्यानुसार सदर कार्यवाही करण्यात येऊन नोव्हेबर २०२४ पासून या कर्मचाऱ्यांच्या वेतनात १००० रुपयांची वाढ करण्यात आल्याने सदर कर्मचाऱ्यांनी आमदार सुहास कांदे, युवा सेनेचे जिल्हाप्रमुख फरहान खान यांचे आभार मानले  आहेत. यावेळी किरण आहेर, निलेश सपकाळे, प्रमोद सांगळे उपस्थित होते.