भाजपला महाराष्ट्रात सत्ता मिळवून देण्याचे सर्व श्रेय मुंडे साहेबांचे.! दत्तराज छाजेड

सा. श नैश्वर टाइम्स वृत्तसेवा 

नांदगाव (nashik ) संतोष कांदे 

प्रथमपासून शेटजी वर भटजी चा पक्ष अशी संभावना केलेल्या भाजपला तळागाळातल्या जनतेपर्यंत पोहचवण्याचे काम स्वर्गीय लोकनेते गोपीनाथ मुंडे साहेबांनी केले. असे प्रतिपादन भाजप व्यापारी आघाडीचे उत्तर महाराष्ट्र प्रमुख दत्तराज छाजेड यांनी केले.

.   तालुक्यातील जळगाव बुद्रुक येथील मध्यवर्ती चौकात लोकनेते गोपीनाथ मुंडे यांची जयंती मोठ्या उत्साहात साजरी करण्यात आली. त्यावेळी छाजेड अध्यक्षीय मनोगत व्यक्त करताना बोलत होते.

.  ते पुढे म्हणाले की, माझा मुंडे साहेबांशी फार जवळून संबंध आला होता. मला नावानिशी ओळखणारे मुंडे साहेब एक अद्वितीय नेते होते. समाजातील सर्वच घटक व सर्व राजकीय पक्षातील नेत्यांशी त्यांचे चांगले संबंध होते. त्याचा फायदा भाजप शिवसेनेला १९९५ मध्ये महाराष्ट्रात सत्ता मिळवण्यासाठी झाला होता. त्यावेळी मुंडे साहेबांना उपमुख्यमंत्री पद व गृहमंत्रिपद देण्यात आले होते. मुंबई मधील गुंडगिरी मोडीत काढून त्यांनी खऱ्या अर्थाने कायद्याचे राज्य स्थापित केले होते. अशी आठवण ही छाजेड यांनी यावेळी सांगितली.

 छाजेड यांनी मुंडे यांच्यावर स्वतः रचलेली कविता उपस्थितांना वाचून दाखवली. त्यावेळी सर्व वातावरण भावुक झाले होते. यावेळी सेवानिवृत्त पोलीस अधिकारी भाऊसाहेब साठे, सर्पमित्र प्रभाकर निकुंभ, पुंजाबाई बोडके, आदीसह ग्रामस्थ, महिला, तरुण मोठ्या संख्येने उपस्थित होते. कार्यक्रमाचे संयोजन नवनाथ कांदे, संजय बोडखे यांनी केले, तर सूत्रसंचालन पत्रकार संतोष कांदे यांनी केले.