शेवटी कांदे च सरस.!...मोठ्या भुजबळांनी आता तरी मान्य करायला हवे..!
सा. श नैश्वर टाइम्स वृत्तसेवा
नांदगाव (nashik ) संतोष कांदे
महायुतीत एकत्र असतानाही नांदगाव मतदार संघांचे आमदार सुहास कांदे यांच्या विषयी अतिशय टोकाचा वैरभाव ठेवून स्वतःच्या पुतण्याला उमेदवारी करायला लावून आ.छगन भुजबळांनी एका दगडात अनेक पक्षी मारण्याचा प्रयत्न केला. मात्र त्यांचा प्रयत्न त्यांच्याच अंगलट आल्याने यापूर्वी कधी झाली नसेल अशी नाचक्की उतारवयात त्यांच्या वाटेला आली. अशी प्रतिक्रिया नांदगाव मतदार संघातून व्यक्त होत आहे.
. कधीकाळी आपला कार्यकर्ता असलेला सुहास कांदे पुत्र पंकज भुजबळ ला पराभूत करून आमदार होतो. हेच मुळी मोठ्या भुजबळांना रुचले नाही. म्हणूनच त्यांनी पालकमंत्री असताना अतिवृष्टीची पाहणी करताना तत्कालीन विरोधी पक्षात असलेल्या एका माजी आमदारांना सोबत घेऊन विद्यमान आमदार सुहास कांदे यांना डावलले होते.त्यानंतर विरोधी पक्षाच्या आमदारांना जास्तीचा निधी देऊन आमदार सुहास कांदे यांची निधीबाबत अनेक वेळा कुचबंना करून भुजबळांनी कोंडी करण्याचा प्रयत्न केला. मात्र तत्कालीन नगरविकासमंत्री ना. एकनाथ शिंदे पाठीशी भक्कम उभे राहिल्याने वेळ मारून नेली.
राज्यात सत्ताबद्दल झाल्यानंतर मुख्यमंत्री म्हणून ना. एकनाथ शिंदे विराजमान झाल्यानंतर अवघ्या मतदार संघांचे नशीब पालटले. नांदगाव, मनमाड चा पाणी प्रश्न सुटला, ग्रामीण भागातील ७८ खेड्यातील लोकांना मुबलक पाणी आता मिळू शकणार आहे. सामाजिक अस्मिता जोपासताना घटनेचे शिल्पकार डॉ.बाबासाहेब आंबेडकर असो वा अन्य महापुरुष असे सर्व पुतळे, स्मारक पूर्ण केलेत. शिवसृष्टी तर आशिया खंडातील एक नंबरची आहे. अशा अनेक प्रेरणा देणाऱ्या गोष्टी साकार करताना आमदार सुहास कांदे यांनी वेळ काळाचे भान पाळले नाही.
. इतकेच नव्हे तर वैयक्तिक आर्थिक मदत करणारा आमदार प्रथमच या मतदार संघाने अनुभवलाय. नैसर्गिक आपत्ती असो वा मानवनिर्मित तरी ही आमदार सुहास कांदे यांनी शासन मदत मिळेल तेव्हा मिळेल. त्या अगोदर धाव घेऊन संबंधित कुटुंबं मग ते कुठल्या जाती धर्माचे असो सढळ हाताने मदत करत माणुसकी जपली. व ते एक कुटुंबंप्रमुख आहेत. असा विश्वास सर्वसामान्य जनतेच्या मनात निर्माण केला.
. याउलट येवल्याचे आमदार छगन भुजबळ यांनी सुहास कांदे जेव्हापासून आमदार झालेत. तेव्हापासून केवळ वैयक्तिक वैरभाव ठेवत मार्गक्रमण करत असल्याचे अनेक वेळा सामान्य जनतेच्या लक्षात आणून दिले.मग विषय आढावा बैठकीचा असो वा निधी वाटपाचा.... नांदगाव मतदार संघातून स्वतःचा पुतण्या समीर भुजबळ ला उमेदवारी करण्यास लावली. सर्व आर्थिक पाठबळ पुरवले. बाहेरगावावरून आलेल्या मतदारांना मतदानासाठी जात असताना समीर भुजबळ यांनी रोखले. तेव्हा जो वाद झाला त्याबाबत महायुतीचे उमेदवार म्हणून सुहास कांदे यांची बाजू घेणे आमदार छगन भुजबळ यांना क्रमप्राप्त होते. मात्र त्यांनी बंडखोर उमेदवार समीर भुजबळ यांची बाजू घेतली. तेव्हाच भुजबळ हे महायुतीच्या विरोधात काम करत असल्यावर शिक्कामोर्तब झाले. कारण लोकसभा निवडणुकीत फक्त त्यांचे कार्यकर्ते शरद पवार गटाचे उमेदवार भगरे यांच्यासाठी काम करत असल्याचे आमदार सुहास कांदे यांनी पुराव्यानिशी सिद्ध केले होतेच.
आता छगन भुजबळ यांना मंत्रिपदापासून दूर ठेवत महायुती शासनाने एकप्रकारे आमदार सुहास कांदे यांना बळ पुरवून अंतिम विजय सत्याचाच होतो हे सिद्ध केले आहे.
Comments
Post a Comment