दिलेले शब्द पूर्ण करण्याची जबाबदारी निष्ठेने पार पाडेन -: आ. सुहास कांदे

सा. शनैश्वर टाइम्स वृत्तसेवा 

नांदगाव (nashik ) संतोष कांदे 

या विधानसभा निवडणुकीत आपण मला ऐतिहासिक मतांनी विजयी केले. आणि त्यावेळी मी आपल्याला जे आश्वासन किंवा शब्द दिलेत. ते प्रत्येक शब्द खरा करून दाखवण्याची जबाबदारी पूर्ण करेन. असे प्रतिपादन आमदार सुहास कांदे यांनी केले.

.  देवाज बंगल्यावर उमेद महाराष्ट्र राज्य ग्रामीण जिवनोउन्नती अभियान व मतदार संघातील सर्व महिला बचत गटाचे कॅडर यांचा आभार प्रदर्शन कार्यक्रम संपन्न झाला. त्यावेळी ते बोलत होते.

.    कार्यक्रमाच्या अध्यक्षस्थानी महिला स्वयंरोजगार उद्योगाच्या प्रणेत्या सौ. अंजुमताई कांदे होत्या. आ. श्री. कांदे पुढे म्हणाले की, गेल्या पाच वर्षात जी विकासकामे केलीत त्या भरवश्यावर निवडून येऊ हा विश्वास होताच, मात्र इतक्या मोठ्या मताधिक्याची खात्री नव्हती.

.    मतदार संघातील आपण सर्वांनी मतदान रुपी जो भरभरून आशीर्वाद दिला. त्या बळावर मी दुसऱ्यांदा आमदार झालो.हे उपकार मी मरेपर्यंत विसरू शकणार नाही. असे भावनिक उदगार आ. सुहास कांदे यांनी काढले.

. तर अध्यक्षपदावरून बोलताना समाजसेविका सौ. अंजुमताई कांदे म्हणाल्या की, सुहास च्या विजयात आपल्या महिलांचा ५० टक्के वाटा आहे. ही आपल्या सर्वांसाठी अभिमानाची गोष्ट आहे. येत्या पंधरा दिवसात महिला उद्योगासाठी मनमाड रस्त्यालगत जागा शोधण्याचे काम सुरु आहे. जागा खरेदी करून मतदार संघातील गरजवंत महिलांना घरपोहोंच कामे दिली जाणार आहेत. या माध्यमातून ह्या महिला आपल्या घर संसाराला हातभार लावू शकतील. व आर्थिकदृष्ट्या स्वयंपूर्ण होतील. असे त्या म्हणाल्या.

. यावेळी उमेद चे सर्वश्री. गडाख, भालेराव, गंगावणे, जाधव, अशोक आहिरे,यांच्यासह शिवसेना महिला आघाडीच्या सौ. उज्वला खाडे, विद्या जगताप, रोहिणी मोरे, संगीता बागुल,आदीसह महिला पदाधिकारी उपस्थित होत्या. प्रास्ताविक अशोक आहिरे, अश्विनी जाधव यांनी केले तर सूत्रसंचालन राजेंद्र देशमुख यांनी केले.