अल्पसंख्यांक समाजाची विकासाविषयीची मानसिकता बदलून टाकण्याचे श्रेय आ. सुहास कांदे यांनाच.! सौ. अंजुमताई कांदे

सा. श नैश्वर टाइम्स वृत्तसेवा 

नांदगाव (nashik ) संतोष कांदे 

 अल्पसंख्यांक वस्तीत यापूर्वी कुठलेही विकासकामे झाली नसल्याने या  समाजाने आता आपले कुठलेच काम होत नसल्याची मानसिकता मनात तयार करून घेतला होती.आणि साहजिकच ही संकल्पना त्या त्या काळातील राजकीय नेतृत्वाच्या दुर्लक्षामुळे प्रत्येकाच्या मनात खोल रुजली होती. मात्र याला विद्यमान आमदार सुहास कांदे यांनी सर्वधर्म समभाव वृत्ती ठेवत करोडो रुपयांची विकासकामे कामे लोकांनी मागणी न करता ही करून दिलीत. असे प्रतिपादन महिला स्वयंरोजगाराच्या प्रणेत्या सौ. अंजुमताई कांदे यांनी केले.

    नांदगाव नगरपरिषद हद्दीत असलेल्या ईदगाह व शादीखाना साठी आ. सुहास कांदे यांनी अल्पसंख्यांक बहुल क्षेत्र विकास अनुदान अंतर्गत योजनेतून सुमारे ५० लक्ष रुपयांचा निधी मंजूर करून आणला.या कामाचे भूमिपूजन सौ. कांदे यांच्या हस्ते आज करण्यात आले. त्यावेळी त्या बोलत होत्या.

      आमदार म्हणून निवड झाल्यानंतर आमदार सुहास कांदे यांनी कामाला सुरुवात ही केली आहे. दुसऱ्यांदा आमदार झाल्यानंतरच्या मतदार संघातील पहिल्या विकासकामाचे भूमिपूजन झाले. या ठिकाणी करोडो रुपयांचा निधी खर्चून  ईदगाह, व शादीखाना यापूर्वीच आ. कांदे यांनी बांधून दिले आहेत.तसेच या मतदार संघात यापूर्वी कधीच धार्मिक तेढ नव्हती. आणि भविष्यात ही ती होणार नाही. असा विश्वास सौ. अंजुमताई कांदे यांनी व्यक्त केला.

     याप्रसंगी नांदगाव नगरपरिषद चे मुख्याधिकारी श्यामकांत जाधव,राहुल कुटे,शिवसेना महिला आघाडीच्या उज्वला खाडे, विद्या जगताप,अँड.विद्या कसबे,रोहिणी मोरे, पूजा छाजेड,नेहा कोळगे, भारती बागोरे, सोनिया सोर, नजमा मिर्झा, याकूब शेख, मुज्जू शेख, योगिता बच्छाव आदीसह या परिसरातील शेकडो महिला, पुरुष व रहेनुमा फाउंडेशन चे कार्यकर्ते मोठ्या संख्येने उपस्थित होते.प्रास्ताविक अय्याज शेख यांनी तर सूत्रसंचालन सुनील जाधव यांनी केले.