लोकशाहीचे चारही स्तंभ डळमळीत.! आ. सत्यजित तांबे

सा. श नैश्वर टाइम्स वृत्तसेवा 

नांदगाव (nashik ) संतोष कांदे 

भारतीय लोकशाहीत ज्यांना चार स्तंभ म्हटले जाते, त्यात लोकप्रतिनिधी, न्यायपालिका, प्रशासन, अन पत्रकारांचा समावेश असतो, मात्र काही अपवाद वगळता मात्र यापैकी एकही स्तंभ आजमितीस आपली जबाबदारी निष्ठेने पार पाडत नसल्याचे दिसून येत आहे. असे प्रतिपादन पदवीधर मतदार संघांचे आमदार सत्यजित तांबे यांनी केले.

.     नाशिक शहरातील नामांकित व सामाजिक कार्यात अग्रेसर असणाऱ्या श्री. कालिका माता संस्थान च्या कै. कृष्णराव पाटील कोठावळे उत्कृष्ट पत्रकार पुरस्काराचे वितरण आ. तांबे यांचे हस्ते करण्यात आले. त्यावेळी ते बोलत होते.

.   ते पुढे म्हणाले की, आज देशात, महाराष्ट्रात सर्वच ठिकाणी काय परिस्थिती आहे.? याबद्दल तुम्ही सर्व ज्ञात आहात. कारण तुम्हीच ती मांडत असतात. चारही स्तंभ कसे डळमळीत झाले आहेत. हे सध्याच्या व अनेक उदाहरणे देऊन त्यांनी स्पष्ट केले. यावेळी नांदगाव तालुक्यातील सा. शनैश्वर टाइम्स चे संपादक संतोष कांदे,दै. पुण्यनगरीचे संदीप जेजुरकर, लोकमत चे चंद्रकांत भालेराव यांच्यासह जिल्ह्यातील उत्कृष्ट पत्रकारांना आमदार सत्यजित तांबे यांचे हस्ते गौरवण्यात आले. यावेळी केशवराव पाटील,सुभाष तळजिया,डॉ. प्रताप कोठावळे, अशोक दुधारे, आनंद खरे, व्यासपीठावर उपस्थित होते.