योग्य वेळी योग्य निर्णय.! सभापतीपदी दर्शन आहेर..

सा. श नैश्वर टाइम्स वृत्तसेवा 

नांदगाव (नाशिक ) संतोष कांदे 

नांदगाव कृषी उत्पन्न बाजार समितीच्या सभापतीपदी दर्शन अनिल आहेर यांची वर्णी लावत आमदार सुहास कांदे यांनी योग्य वेळी योग्य निर्णय घेत ते एक कुशल राजकारणी असल्याचे या निवडीतून दाखवून दिले आहे.

.   विधानसभा निवडणुकीदरम्यान काँग्रेसचे माजी आमदार अँड. अनिल आहेर यांनी मित्रपक्षाला अनेक वेळा साथ देतो. मात्र नंतर सत्ताप्राप्ती नंतर माझ्या कार्यकर्त्यांची कामे मित्रपक्षांकडून केली जात नाहीत. म्हणून यंदा विजयी उमेदवाराच्या पाठीमागे राहून कामाचा शब्द घेऊ असे जाहीर करून शिवसेनेचे उमेदवार सुहास कांदे यांना समर्थन दिले होते.

.      आज त्याचीच प्रचिती दर्शन आहेर यांना सभापती केल्याने आली आहे. माजी आमदार आहेरांनी केलेल्या मदतीची परतफेड अवघ्या दोन महिन्यात केल्याने आमदार सुहास कांदे यांनी अवघ्या तालुक्याचे राजकारण स्वतः भोवती केंद्रित केल्याचे दिसून येत आहे.आ. कांदे यांच्या या सर्वसहमतीच्या राजकारणामुळे तालुक्यात आजमितीस एकही प्रबळ विरोधक शिल्लक राहिला नसल्याचे दिसून येत आहे.

.      या निवडीमुळे भविष्यात होऊ घातलेल्या अनेक स्वराज्य संस्थांच्या निवडणुका अलगद जिंकून अनेक निष्ठावंत कार्यकर्त्यांना न्याय देणे या निवडीतून शक्य होणार आहे. कारण पूर्व भागात आजही माजी आमदार अँड. अनिल आहेर यांना मानणारा मोठा वर्ग आहे.

.          बाजार समितीचे सभापती सतिष विनायक बोरसे  यांनी रोटेशन नुसार राजीनामा दिल्याने बाजार समितीच्या कार्यालयात आज रोजी सभापती पदाच्या निवडीसाठीनांदगांव चे सहाय्यक निबंधक चंद्रकांत विघ्ने यांचे अध्यक्षतेखाली विशेष सभेचे आयोजन करण्यात आले होते. यावेळी सभापती पदासाठी दर्शन अनिल आहेर यांचे एकच नामनिर्देशन पत्र दाखल झाल्याने त्यांची बिनविरोध निवड झाल्याचे निवडणूक निर्णय अधिकारी तथा सहाय्यक निबंधक चंद्रकांत विघ्ने यांनी जाहिर केले. नामनिर्देशन पत्रावर संचालक सतिष बोरसे  यांनी सुचक तर उपसभापती दिपक मोरे यांनी अनुमोदक म्हणून सही केली.

सभापती निवडीपूर्वी संचालक मंडळाची शिवनेरी सभागृह येथे बैठक होवून संस्थेचे मार्गदर्शक तथा आमदार  सुहास कांदे व जेष्ठ नेते बापूसाहेब कवडे , माजी आमदार अँड. अनिल आहेर यांचे प्रमुख उपस्थितीत दर्शन आहेर यांचे नावावर एकमत झाले. त्यानंतर निवडणूक प्रक्रिया पार पडली. निवडणूकी वेळी माजी आमदार संजय पवार , माजी सभापती तेज कवडे , विलास आहेर , माजी नगराध्यक्ष राजेश कवडे , माजी जि.प.सदस्य रमेश बोरसे ,  दिलीपआप्पा इनामदार ,  ज्ञानदेव आहेर , अरूण पाटील ,  ,मजूर फेडरेशन संचालक प्रमोद भाबड , डॉ. शरद आहेर , शिवसेना नेते किरण कांदे , बाळासाहेब कवडे , उदय पवार , कैलास गायकवाड , हरेश्वर सुर्वे , जिभाऊ पवार ,  बाजार समितीचे संचालक एकनाथ सदगीर , साहेबराव पगार , अर्जुन पाटील ,  पोपट सानप , अनिल वाघ , अनिल सोनवणे ,अलकाताई कवडे , मंगला काकळीज , अमोल नावंदर , यज्ञेश कलंत्री , निलेश इपर , सचिव अमोल खैरनार यांच्यासह ,आण्णासाहे पगार , रमेश पगार ,शिवाजी बच्छाव , संदिप मवाळ , शरद सोनवणे , अनिल सरोदे यांचेसह तालुक्यातील ग्रामस्थ ,शेतकरी बांधव मोठ्या संख्येने उपस्थित होते.

दर्शन आहेर  यांचे  निवडीचे आमदार सुहास  कांदे, जेष्ठ नेते बापूसाहेब कवडे, माजी नगराध्यक्ष राजेश कवडे , माजी सभापती तेज कवडे आदिंनी अभिनंदन केले आहे.