कांदे वस्तीला रस्ता व सिमेंट प्लग बंधारा बांधून द्यावा --माजी सरपंच कांदे व शेतकऱ्यांची मागणी
सा. श नैश्वर टाइम्स वृत्तसेवा
नांदगाव (nashik ) संतोष कांदे
तालुक्यातील जळगाव बुद्रुक च्या पूर्व दिशेला असलेल्या कांदे वस्तीला आजमितीस पक्क्या रस्त्याची निकड निर्माण झाली असून, आमदार सुहास कांदे यांनी हा प्रश्न सोडवावा अशी मागणी माजी सरपंच दत्तात्रय कांदे व वस्तीवरील शेतकऱ्यांनी केली आहे.
आ. कांदे यांनी मतदार संघात मोठ्या प्रमाणात विकासकामे केली आहेत. व करत आहेत. तरी ह्या जळगाव बुद्रुक गावाने प्रथमपासूनच आ. कांदे यांची पाठराखण केली आहे.त्या बदल्यात आमदारांनी गावात मोठ्या प्रमाणात विकासकामे केली आहेत. गावातील अंतर्गत रस्ते, सामाजिक सभागृह, बौद्धविहार, अंगणवाडी इमारत, खाजगी विद्यालयासाठी वैयक्तिक निधी, बेलेश्वर महादेव मंदिरासाठी भरघोस निधी दिल्याने ती कामे ही प्रगतीत आहेत.
आमदार सुहास कांदे यांनी गावाला कायम भेडसावणारा पाणीप्रश्न सोडवण्यासाठी गावाचा धर्मवीर आनंद दिघे ७८ खेडी पाणी पुरवठा योजनेत समावेश करून दिल्याने पाणी प्रश्न आता सुटल्यात जमा आहे.
यासारखे अनेक विकासकामे आ. कांदे यांनी गावात केली आहेत. त्यामुळे ग्रामस्थांच्या अपेक्षा वाढल्या आहेत. या कांदे वस्तीकडे जाणारा कच्चा रस्ता पावसाळ्यात पूर्ण खराब होऊन जातो. वाहन सोडाच पण पायी चालणे ही दुरापास्त होत असते. या वस्तीला पक्क्या रस्त्याची गरज समजून हे काम आमदार सुहास कांदे यांनी करून द्यावे अशी मागणी होत आहे. तसेच या वस्तीलगत एक जुना छोटा माती बंधारा आहे.तो जीर्ण झाला आहे. या जागेवर एक सिमेंट प्लग बंधारा बांधून दिल्यास जनावरांची व गरीब व छोट्या शेतकऱ्यांच्या शेतीचा पाणीप्रश्न सुटण्यास मदत होईल. तरी याबाबत ही आमदार सुहास कांदे यांनी लक्ष घालावे अशी मागणी शेतकऱ्यांनी केली आहे.
Comments
Post a Comment