मालेगाव येथील अर्णव लोधे बुद्धिमता स्पर्धा परीक्षेत जिल्ह्यात दुसरा.!

सा. श नैश्वर टाइम्स वृत्तसेवा 

नांदगाव (nashik ) संतोष कांदे 

महाराष्ट्र बुद्धिमता शोध स्पर्धा परीक्षेत मालेगाव येथील अर्णव विलास लोधे याने राज्याच्या गुणवत्ता यादीत स्थान मिळवून नाशिक जिल्ह्यात दुसरा क्रमांक पटकवला आहे.

जानेवारी २०२५ मध्ये संपूर्ण राज्यातून बुद्धिमत्ता शोध स्पर्धा परीक्षा घेण्यात आली होती. तिचा नुकताच निकाल जाहीर करण्यात आला. त्यात मालेगाव येथील अर्णव लोधे याने तालुक्यात प्रथम तर जिल्ह्यात दुसरा क्रमांक पटकवला आहे. तसेच राज्याच्या गुणवत्ता यादीत त्याने ३७ वा क्रमांक पटकवला आहे. तो शहरातील सुप्रसिद्ध काकाणी विद्यालयाचा विद्यार्थी असून, सामान्य रुग्णालयाचे समाजसेवा अधीक्षक विलास लोधे व वडेल येथील प्राथमिक शिक्षिका नलिनी सांगळे यांचा मुलगा आहे. त्याचे विद्यालयाचे मुख्याध्यापक, वर्गशिक्षक तसेच राज्याचे शिक्षणमंत्री ना. दादाजी भुसे यांनी अभिनंदन केले आहे.