ही नोकरी म्हणजे बालके,किशोरवयीन मुली अन महिलांच्या उत्तम भविष्यासाठी आशेचा किरण -: सौ. अंजुम कांदे
सा. श नैश्वर टाइम्स वृत्तसेवा
नांदगाव (nashik ) संतोष कांदे
ग्रामीण भागात सहा वर्षाखालील बालके, किशोरवयीन मुली, गर्भवती माता, स्तनदा माता यांच्या शिक्षण, आरोग्य व पोषणाची जबाबदारी पार पाडणाऱ्या अंगणवाडी सेविका मदतनीस यांच्या रिक्त पदाची नुकतीच भरती करण्यात आली. पात्र उमेदवारांना महिला स्वयंरोजगार उद्योगाच्या प्रणेत्या सौ. अंजुमताई कांदे यांच्या हस्ते नियुक्तीपत्र देण्यात आले.
यावेळी सौ. कांदे पुढे म्हणाल्या की, शासनाने आता जी जबाबदारी तुमच्यावर सोपवली आहे. ती अत्यंत महत्वाची आहे. लहान बाळापासून ते त्याच्या मातेच्या ही आरोग्य व पोषणाची ही जबाबदारी पार पाडत असताना त्यात हयगय होता कामा नये. यावेळी त्यांच्या हस्ते ३७ अंगणवाडी सेविका व मदतनीस यांना नियुक्तीपत्रे देण्यात आली.
अनेक वर्षांपासूनचा मोठा अनुशेष भरून काढण्यात आला आहे, वर्षभरात आलेल्या विविध अर्जांच्या व रिक्त जागांचा विचार करीत तालुका प्रकल्प अधिकाऱ्यांनी योग्य ते अर्ज छाननी करत गुणवत्ता यादीत आलेल्या महिलांना आमंत्रित करून त्यांना सौ. कांदे यांच्या हस्ते नियुक्तीपत्र यांच्या हस्ते देण्यात आले. यात १९ अंगणवाडी सेविका तर १८ मदतनीस यांचा समावेश आहे.
याप्रसंगी बाल विकास अधिकारी प्राची पवार पर्यवेक्षिका श्रीमती जयश्री गवळी, पुनम शिंदे, संजय पारखे, शिवसेना महिला आघाडीच्या तालुकाप्रमुख विद्या जगताप संगीता बागुल, रोहिणी मोरे उपस्थित होत्या.
Comments
Post a Comment