नांदगाव बाजार समितीच्या संचालकपदी तेज कवडे बिनविरोध..!

सा. श नैश्वर टाइम्स वृत्तसेवा 
नांदगाव (नाशिक ) संतोष कांदे 
नांदगाव विधानसभा मतदार संघाचे आमदार तथा भटक्या विमुक्त जाती कल्याण समितीचे अध्यक्ष सुहास कांदे यांनी मतदार संघात जे सर्व सहमतीचे राजकारण सुरु केले आहे. त्याला तोड नाही. मग काँग्रेसचे आमदार अँड. अनिल आहेर असोत वा राष्ट्रवादी काँग्रेस चे अमित पाटील बोरसे यासंह अनेकांना त्यांनी आपल्या कवेत घेऊन ते एक धुरंधर राजकारणी असल्याचे दिसून येत आहे.
    नुकतीच नांदगाव कृषी उत्त्पन्न बाजार समितीच्या संचालकपदी जेष्ठ नेते बापूसाहेब कवडे यांचे राजकीय वारसदार तेज कवडे यांची बिनविरोध निवड करण्यात आली. कैलास पाटील यांनी राजीनामा दिल्यानंतर हे पद रिक्त झाले होते. त्यावर सध्या कुठल्याच पदावर नसलेल्या तेज कवडे यांची नियुक्ती करण्यात आली.
       सूचक म्हणून सतीश बोरसे तर अनुमोदक म्हणून एकनाथ सदगिर यांनी सही केली. .
   निवडी पूर्वी नांदगाव मतदार संघाचे आमदार सुहास  कांदे यांनी तेज कवडे यांचे नाव जाहीर केले. त्यानंतर सभापती दर्शन आहेर यांचे अध्यक्षतेखाली सदर निवड प्रक्रिया पार पडली. यावेळी उपसभापती अनिल सोनवणे , संचालक साहेबराव पगार , बंडू पाटील ,  समाधान पाटील , जीवन गरुड , अनिल वाघ , दिपक मोरे ,पोपट सानप , अमोल नावंदर , यज्ञश कलंत्री , निलेश इपर , मंगला काकळीज, अलका कवडे या संचालक मंडळा सह शिवसेना पदाधिकारी गुलाब भाबड ,किरण देवरे ,सचिव अमोल खैरनार याच प्रमाणे पुंजाराम जाधव  , भाऊसाहेब काकळीज , सुधीर देशमुख , भैय्यासाहेब पगार आदींसह असंख्य कार्यकर्ते उपस्थित होते. 
       तेज कवडे हे यापूर्वी नांदगाव बाजार समितीवर २००८ ते २०२२ असे सलग १४ वर्ष सभापती म्हणून काम पाहिले असून त्यांचे कार्यकाळात बाजार समितीचे संपूर्ण कामकाज संगणकीय करण्यात आले आहे. त्यांचे अनुभवाचा बाजार समितीस नक्कीच फायदा होईल अशी प्रतिक्रिया सभापती दर्शन आहेर यांनी यावेळी व्यक्त केली.

Comments

Popular posts from this blog

पिनाकेश्वर चे दर्शन घेऊन परतत असताना ट्रॅक्टर दरीत कोसळून दोन भाविक महिला ठार तर १६ जण जखमी.!

सर्पदंश झाला... मात्र शेतातून वाहन जाण्यास रस्ता नसल्याने जीव वाचवण्यासाठी त्यांनी पळत जाऊन वाचवला जीव.! तालुक्यात शिवार रस्त्याचा प्रश्न गंभीर...

जळगाव बुद्रुक प्रभाकर सोनावणे यांच्या घरी येथे जबरी दरोडा.. १५ लाखांपेक्षा अधिक रकमेची लूट...आ. कांदे यांचे चुलत शालक