तेथे असे काही होईल असे वाटले नव्हते...! आठ दिवसांपूर्वी जम्मू कश्मीर वरून परतलेल्या साठे यांची माहिती...

सा. श नैश्वर टाइम्स वृत्तसेवा 

विशेष बातमी 

नांदगाव (nashik) संतोष कांदे 

जम्मू कश्मीर मधील पेहेलगाम मध्ये पर्यटकांवर हल्ला करून जवळपास २८ जणांना ठार मारण्यात आल्याची दुर्दैवी घटना घडली आहे. त्यामुळे संपूर्ण देशात या भ्याड हल्ल्याविरोधात संतापाचे वातावरण आहे. मात्र याच हल्ल्याच्या ठिकाणी नांदगाव तालुक्यातील जळगाव बुद्रुक येथील दोन पर्यटकानी गेल्या आठ दिवसापूर्वी भेट देऊन तेथील निसर्गाचा आनंद लुटला होता. आज ते ठिकाण व घडलेली घटना माध्यमावर बघून त्यांना ही धक्का बसला आहे.

येथील सेवानिवृत्त पोलीस अधिकारी भाऊसाहेब साठे व शेतकरी अरुण साठे हे दोघे अन्य मित्रांसह जम्मू कश्मीर ला फिरण्यासाठी गेले होते. याच पेहेलगाम परिसरात त्यांनी अनेक निसर्गरम्य स्थळांना भेटी देऊन निसर्गाचा मनमुराद आनंद उपभोगला.

तसेच या दरम्यान त्यांची या ठिकाणी ८२ वर्षीय गुलाम हसन नावाच्या कश्मिरी व्यक्तीशी ओळख झाली. त्या व्यक्तीने या दोघांना घरी आमंत्रित करून चांगले आदरातिथ्य केल्याने भारावून गेलो होतो. असे साठे यांनी यावेळी सांगितले.

हसन यांच्या कुटुंबात  मुसरत ,तबस्सूम, इशरत, मिनाज, मुनुज्जा,अबुझर या सदस्यांचा समावेश होता.

         प्रतिक्रिया -: भाऊसाहेब साठे 

यावेळी त्यांनी चहा नाष्टा देऊन आमचे आदरातिथ्य केले तसेच किचनसह संपूर्ण घरही दाखवले तसेच आम्हाला आक्रोड चा वानुळा ही भेट दिला आम्ही त्या कुटुंबासोबत फोटोही काढले त्याची ही काही क्षणचित्रे एक अविस्मरणीय क्षण....