चांगले काम करत असताना ही कडवट अनुभव पदरी -: माजी आ. अँड. आहेर
सा. शनैश्वर टाइम्स वृत्तसेवा
नांदगाव (नाशिक ) संतोष कांदे
या श्री. शनी संस्थान चे जनरल सेक्रेटरी म्हणून काम गेल्या ३१ वर्षांपासून बघत असताना अत्यंत नियमात राहून व शिस्तबद्ध पद्धतीने काम करत असतानाही काही प्रवृत्ती कडवट अनुभव देत आहेत. मात्र त्याकडे दुर्लक्ष करून वाटचाल करत असल्याचे माजी आमदारअँड. अनिल आहेर यांनी श्री. शनी मंदिर संस्थान वारकरी शिक्षण संस्था प्रथम वर्धापन दिन व वाढदिवस सोहळा निमित्ताने सांगितले.
अखंड भारतातील श्री शनी देवाच्या साडे तीन पिठापैकी एक असलेल्या नांदगाव तालुक्यातील श्री. क्षेत्र नस्तनपूर येथे शनी महाराज वारकरी शिक्षण संस्थेचा प्रथम वर्धापन दिन व माजी आमदार अँड. अनिल आहेर यांचा ६७ वा वाढदिवस असा दुहेरी संगम साधत निसर्गरम्य वातावरणात अनेक मान्यवारांच्या, संतांच्या उपस्थितीत हा देखणा सोहळा पार पडला.
यावेळी व्यासपीठावर अध्यक्षस्थानी माजी आमदार संजय पवार खान्देशरत्न हभप. तुकाराम महाराज जेऊरकर,माजी नगराध्यक्ष भास्कर कदम, युवा सेनेचे जिल्हाप्रमुख फरहान खान, वेहेळगाव चे सरपंच प्रमोद भाबड, बाजार समितीचे सभापती दर्शन आहेर,मराठा विद्या प्रसारक समाज संस्थेचे तालुका संचालक अमित पाटील, किरण कांदे, संचालक अमोल नावदंर,हभप संतोष महाराज नरोडे, हभप शेवरे महाराज,दिलीप इनामदार,आदी उपस्थित होते.
सत्कारमूर्ती अँड. आहेर पुढे म्हणाले की, या देवस्थान चा कारभार हाती घेतला तेव्हा अवघ्या एक एकरात सर्व समावलेले होते. आणि अत्यंत जीर्ण अवस्था झालेली होती. मात्र विद्यमान मंत्री व लोकप्रतिनिधी शी पाठपुरावा करून आजमितीस संस्थानकडे तीस एकर स्वमालकीची जमीन आहे. आणि देवस्थानाचा ही आमुलाग्र कायापालट झाला आहे. विद्यमान आमदार सुहास कांदे यांनी ही या देवस्थानचा ब वर्ग मध्ये समावेश करून दिला अन रस्त्यासाठी दोन कोटी रुपयांचा निधी उपलब्ध करून दिला आहे.जेव्हा या ठिकाणी चुकीचा विचार मनात येईल तेव्हा येथून आम्ही बाहेर पडलेलो असू. असे ते शेवटी म्हणाले.
यावेळी माजी आमदार तथा कार्यक्रमाचे अध्यक्ष संजय पवार यांनी भुजबळ कुटुंबियांना चिमटे काढत आहेरांना वाढदिवसाच्या शुभेच्छा दिल्या.त्याचबरोबर हभप तुकाराम महाराज, आकाश महाराज उगले, जीवन गरुड, भास्कर कदम, अमोल नावंदर, यांनी मनोगत व्यक्त केले.यानंतर या ठिकाणीउन्हाळी सुट्टीत जे वारकरी पंथाचे शिक्षण विनामूल्य देण्यात आले. व त्या परीक्षेत ज्या ज्या विद्यार्थ्यांनी यश संपादन केले त्या विद्यार्थ्यांचा गौरव मान्यवरांच्या हस्ते करण्यात आला.ज्या विद्यार्थ्यांनी वेगळे कौशल्य विकसित केले त्या विद्यार्थ्याना ते साहित्य भेट देण्यात आले.
सूत्रसंचालन योगेश पाटील यांनी तर प्रास्ताविक राजेंद्र पाटील यांनी केले. कार्यक्रमास सुनीता आहेर, रमेश बोरसे, सतीश बोरसे, अँड. गंगाधर बिडगर, उदय पवार, खासराव सुर्वे, कैलास गायकवाड, विजय चोपडा,अश्विनी आहेर, ज्ञानदेव आहेर, डॉ. शरद आहेर,आदीसह शेकडो काँग्रेस कार्यकर्ते व सामाजिक कार्यकर्ते उपस्थित होते.उपस्थितांना यावेळी मांडे व आमरस चे जेवण देण्यात आले.
Comments
Post a Comment