मुस्लिम समाजाच्या बांधकाम मजु्रांकडून थेट बांधकाम सुरु असलेल्या इमारतीवरच ध्वजारोहन..!

सा. श नैश्वर टाइम्स वृत्तसेवा
नांदगाव (नाशिक ) संतोष कांदे

देशातील सर्व भारतीयांच्या मनात देशा विषयी आदराची, अभिमानाची भावना असते, ज्या ज्या वेळेस असा काही प्रसंग, निमित्त येते त्यावेळी ह्या भावना ओसंडून वाहतात. असा अनुभव अनेकदा अनुभवास येत असतो. शहरातील प्रख्यात किराणा व्यावसायिक अमोल नावंदर यांच्या नूतन इमारतीच्या बांधकाम करण्यासाठी आलेल्या मुस्लिम व इतर समाजाच्या बांधकाम मजुरांनी या निर्माण होत असलेल्या इमारतीवरच ध्वज फडकवून राष्ट्र ध्वजाला सलामी देण्याचा व्हिडिओ सध्या तालुक्यात चांगलाच व्हायरल झाला आहे.

   या बांधकाम मजुरांनी अमोल नावंदर यांच्याकडून काल सायंकाळी काही रक्कम उचल घेऊन आज त्याच रकमेतून राष्ट्र ध्वज, दोन किलो बुंदीचे लाडू विकत आणले.शासकीय वेळेनुसार सकाळी ८. ३५ मिनिटांनी त्यांनी राष्ट्रध्वज फडकवला व प्रचलित नियमानुसार राष्ट्र ध्वजाला सलामी ही दिली अन राष्ट्रगीत म्हटल्यानंतर एकमेकांना लाडू भरवत हा स्वातंत्रदिन मोठ्या उत्साहात साजरा केला. याची चर्चा मात्र संपूर्ण तालुका भरात झाली आहे.