नांदगाव तालुक्यातील नुकसानग्रस्त शेतकऱ्यांना भरपाई देण्यात यावी -:तालुकाध्यक्ष महेंद्र बोरसे

सा. श नैश्वर टाइम्स वृत्तसेवा 

नांदगाव (nashik ) संतोष कांदे 

 आगामी काळात राज्यभरात अतिप्रमाणात परतीच्या पावसाची शक्यता हवामान विभागाने आणि राज्यभरातील विविध हवामान तज्ञांनी वर्तवली असल्याने आपत्ती व्यवस्थापनासाठी प्रशासनाने सज्ज असावे असे आवाहन राष्ट्रवादी काँग्रेस पक्ष शरदचंद्र पवार यांच्या वतीने प्रसिद्धीपत्रकांवये तालुकाध्यक्ष महेंद्र बोरसे यांनी केले आहे.

राज्यातल्या ३६ जिल्ह्यांपैकी ३० जिल्ह्यातील १९५ तालुक्यातील ६५४ महसूल मंडळात अती पावसाने एकूण ६२ लाख १७ हजार ५४० एकर शेतीचं नुकसान झाले असून अनेक ठिकाणी शेतजमीन वाहून गेली आहे,पिकांचे संपूर्ण नुकसान झाले आहे,राज्य सरकार   ह्या बाबतीत अत्यंत उदासीन असून विधानसभा निवडणुकीनंतर मदतीचे निकष बदलून आता फक्त २ हेक्टर क्षेत्रातील नुकसानीसाठी मदत करणार आहे,अद्याप पर्यन्त केंद्राचे पथक पाहणीसाठी राज्यात आलेले नाही,राज्यातील शेतकरी रामभरोसे असून सरकार मात्र जनतेच्या मूळ प्रश्नांना बगल देऊन आरक्षणाचा खेळ करत आहे,आरक्षणाचा खेळ थांबवून शेतकरी ही जमात समजुन शासनाने बळीराजाची मदत करणे अपेक्षित आहे,सरकारने एकतर पिकविमाचे निकष बदलून अन्याय केलाच होता,आता आपत्ती निवारण मदतनिधी चे निकष बदलल्याने शेतकऱ्यांना खरीप पिकासाठी हेक्टरी ८५०० प्रमाणे जास्तीत जास्त दोन हेक्टरचे १७००० रुपये देणार असल्याचे जाहीर परिपत्रकांवये समजते,हा शेतकऱ्यावर अन्याय असून त्यातही पंचनामे अतिशय संथगतीने आणि प्रत्यक्ष बांधावर न जाता करत असल्याच्या तक्रारी राज्यभरातील शेतकरी करत आहेत,अतिवृष्टीमुळे जमीन लागवडीसाठी अयोग्य झाल्यास आणि जमिनीचे नैसर्गिक नुकसान झाल्यास अशा नुकसानीच्या आधारावर भरपाई दिल्यानंतर प्रशासनाकडून पोटखराबा नोंदणीचा विचार केला जाऊ शकतो,पोटखराब क्षेत्राचा प्रकार बदलून ते शेतजमिनीत रूपांतरित करण्याच्या नियमांमधील क्लिष्टता बघता जमीन पुन्हा वहिती करण्यासाठी अडचण निर्माण होईल अशी भीती शेतकरी व्यक्त करीत आहेत, ह्या बाबत शासन निर्णय काय आहे ह्याचा खुलासा प्रशासनाने करावा,सरकारने नुकसानग्रस्त शेतकऱ्यांना सरसकट ५० हजार रुपये प्रति हेक्टर भरीव मदत द्यावी अशी मागणी राष्ट्रवादी काँग्रेस पक्ष शरदचंद्र पवार यांच्या वतीने करण्यात आली आहे.

    दरम्यान तालुक्यातील अनेक गावांमध्ये अनेक शेतकऱ्यांच्या मका पिकाचे कमी पावसामुळे आर्थिक नुकसान झाले असून,या शेतकऱ्यांच्या क्षेत्राचा पंचनामा करून त्यांना नुकसान भरपाई मिळवून द्यावी. अशी मागणी यावेळी करण्यात आली आहे.