नांदगाव तालुक्यातील जातेगांव, वेहेळगाव, न्यायडोंगरी मंडळातील पीक नुकसानीचे पंचनामे करण्याचे आदेश, शेतकऱ्यांना दिलासा
सा. शनैश्वर टाइम्स वृत्तसेवा
नांदगाव (nashik ) संतोष कांदे
तालुक्यातील जातेगांव, न्यायडोंगरी व वेहेळगाव मंडळात अतिवृष्टीने शेती पिकांचे अतोनात नुकसान झाल्याने सरसकट पंचनामे करण्याचे आदेश शासनाने दिले आहेत. याबद्दल नुकसानीने हतबल झालेल्या शेतकऱ्यांना मोठा दिलासा मिळाला आहे.
ग्राम महसूल अधिकारी, ग्रामपंचायत अधिकारी, सहाय्य्क कृषी अधिकारी यांना तहसीलदार, गटविकास अधिकारी, व तालुका कृषी अधिकारी यांच्या संयुक्त स्वाक्षरीने दिलेल्या लेखी आदेशात म्हटले आहे की, २३ तारखेला वेहेळगाव, जातेगांव, न्यायडोंगरी या महसूल मंडळात अतिवृष्टीने उभ्या शेती पिकांचे प्रचंड नुकसान होऊन शेतकऱ्यांना कोट्यावधी रुपयांचा फटका बसला आहे.
या नुकसानीचा वरील ग्रामस्तरावर कार्यरत अधिकाऱ्यांनी संयुक्त समिती द्वारे नुकसानीचे पंचनामे गावनिहाय, पिकनिहाय, शेतकरी निहाय नुकसानीचे व नुकसानीच्या टक्केवारीसह संयुक्त स्वाक्षरीने सादर करण्याचे आदेश दिले आहेत.
Comments
Post a Comment